26 сакавіка адбылася штогадовая Навукова-практычная канферэнцыя Расійскай асацыяцыі электронных бібліятэк (НП ЭЛБІ), у рабоце якой узяў удзел прадстаўнік Нацыянальнай бібліятэкі Беларусі.
У канферэнцыі, якая прайшла ў Расійскай дзяржаўнай бібліятэцы, удзельнічала каля 200 чалавек – гэта эксперты ў галіне электронных бібліятэк, сучасных інфармацыйных тэхналогій, аўтарскага права, выдаўцы і агрэгатары інфармацыйных рэсурсаў.
У рамках мерапрыемства былі разгледжаны актуальныя праблемы стварэння і суправаджэння электронных бібліятэк, камплектавання і забеспячэння захаванасці іх фондаў, а таксама пытанні, звязаныя з выкананнем аўтарскага права.
Нацыянальную бібліятэку Беларусі (НББ) прадстаўляў загадчык аддзела фарміравання электроннай бібліятэкі В.В. Пшыбытка, які выступіў з дакладам “Электронная бібліятэка Нацыянальнай бібліятэкі Беларусі”. У дакладзе былі прадстаўлены асаблівасці стварэння і выкарыстання электроннай бібліятэкі НББ.
На сайце Расійскай асацыяцыі электронных бібліятэк прадстаўлены прэзентацыйныя матэрыялы і відэатрансляцыя канферэнцыі.