Сёння стартавала канферэнцыя Украінскай бібліятэчнай асацыяцыі. Мерапрыемства мае багатую праграму і адбудзецца 19–20 лістапада анлайн.
Штогадовая канферэнцыя Украінскай бібліятэчнай асацыяцыі з’яўляецца інавацыйнай платформай для падвядзення вынікаў працы і выпрацоўцы перспектыўных кірункаў дзейнасці, для развіцця асоб, прафесійна звязаных з бібліятэчнай справай, бібліяграфічнай і інфармацыйнай дзейнасцю, і ўсіх зацікаўленых.
На адкрыцці канференцыі прагучалі прывітальныя словы да ўдзельнікаў:
- Аксаны Бруй, прэзідэнта Украінскай бібліятэчнай асацыяцыі
- Аляксандры Коваль, дырэктара Украінскага Інстытута кнігі
- Бэціны Венцэль, начальніка аддзела “Інфармацыя і бібліятэка” Goethe-Institut ва Украіне
- Іны Юрык, дырэктара Навуковай бібліятэкі Беларускага Нацыянальнага тэхнічнага ўніверсітэта, старшыні Савета Беларускай бібліятэчнай асацыяцыі
- Таццяны Сапегі, загадчыцы сектара навукова-праектнай работы Нацыянальнай бібліятэкі Беларусі, удзельніцы праекта “Стварай культуру: бібліятэчныя інавацыйныя паслугі”
У праграме канферэнцыі актуальныя даклады экспертаў, прэзентацыі праектаў, прафесійныя дыскусіі і абмены думак.
Матэрыял падрыхтаваны навукова-даследчым аддзелам кнігазнаўства.