20 снежня ў дзіцячым пакоі прайшло святочнае мерапрыемства – майстар-клас па скапбукінгу “Хутка Новы год”.
Навагодняе свята – гэта час чараўніцтва, цудаў, здзіўленняў і падарункаў. З асаблівым хваляваннем рыхтуюцца да яго і дарослыя, і дзеці.
На занятках хлопчыкі і дзяўчынкі зрабілі навагодняе пано ў тэхніцы скрапбукінг. Падчас працы яны выкарыстоўвалі спецыяльную паперу, камбінавалі складаныя малюнкі, колер і тэкстуры, а затым упрыгожылі пано рознакаляровымі бліскаўкамі, стужкамі і іншымі дэталямі.
У паўзах паміж творчасцю дзеці паўдзельнічалі ў рухавых гульнях пад музыку.
Святочныя заняткі аб’ядналі дзяцей, падаравалі ім выдатны настрой і пазітыўныя эмоцыі.
Чытайце таксама пра іншыя мерапрыемствы, якія адбываюцца ў дзіцячым пакоі бібліятэкі.
Тэлефон для даведак: (8 017) 293 25 34.