5 лютага ў падтрымку рэспубліканскай акцыі “Беларускую кнігу – у рэгіёны” Нацыянальная бібліятэка Беларусі перадала 250 выданняў новай пагранзаставе “Доцішкі” Лідскага пагранічнага атрада.
Фонды будучай бібліятэкі пагранзаставы папоўніліся літаратурай апошніх гадоў выдання, у тым ліку асобнымі тамамі “Беларускай энцыклапедыі” і “Энцыклапедыі гісторыі Беларусі”, унікальным па сваёй інфармацыйнай значнасці і паліграфічным выкананні двухтомнікам “Беларусь стваральная”, кнігамі па гісторыі Узброеных Сіл Рэспублікі Беларусь, выданнямі, што расказваюць пра гераічныя падзеі гісторыі нашай дзяржавы.
Акрамя таго, сярод выданняў, якія стануць асновай бібліятэкі новай пагранзаставы, – творы класікаў айчыннай літаратуры, а таксама 150 экз. разнастайных прыгодніцкіх раманаў, дэтэктываў, фантастыкі, энцыклапедычных і даведачных выданняў, гісторыка-дакументальных твораў, вучэбнай і мастацкай літаратуры, якая выйшла ў свет ў нашай краіне.
Усяго ў рамках акцыі “Беларускую кнігу – у рэгіёны", прысвечанай Году кнігі – 2012, бібліятэкам Дзяржаўнага пагранічнага камітэта Рэспублікі Беларусь было перададзена ў цэлым звыш 2 тыс. экзэмпляраў дакументаў.
Кантактныя тэлефоны: (8 017) 293 25 20, 293 27 67.
E-mail: pr@nlb.by
Чытайце таксама аб перадачы ў дар Нацыянальнай бібліятэкай Беларусі:
- 200 выданняў бібліятэцы 465-й ракетнай брыгады (Асіповіцкі раён)
- каля 300 выданняў бібліятэцы 361-й базы аховы і абслугоўвання "Цэнтральных органаў ваеннага ўпраўлення"
- звыш 200 выданняў бібліятэцы пагранзаставы "Беняконі" ў Гродзенскай вобласці
- звыш 300 выданняў сельскай бібліятэцы аграгарадка Дворышча Дзяржынскага раёна Мінскай вобласці
 |
 |
 |
 |
 |
 |
