У пачатку навучальнага года ў рамках дабрачыннай акцыі “Чытанне – прастора інфармацыі і ведаў” бібліятэкам гімназіі № 21 і Сацыяльна-педагагічнага цэнтра з прытулкам Першамайскага раёна г. Мінска перадалі ў дар 520 экзэмпляраў дзіцячай, вучэбнай, мастацкай, вучэбна-метадычнай і развіваючай літаратуры.
Супрацоўнікі бібліятэк выказалі шчырую падзяку калектыву Нацыянальнай бібліятэкі Беларусі за аказаную дапамогу ў папаўненні бібліятэчнага фонду.
Камплект кніг сфарміраваны пры актыўным удзеле вядомых айчынных выдавецтваў “Беларусь”, “Пачатковая школа”, “Народная асвета”, кнігагандлёвых арганізацый “БукЛайнГруп”, “БелтаймКніга”, “Мобилбук”, “Красіка-Прынт”, “Питер-М”, “Эўрыка-М” і Мінскага гарадскога інстытута развіцця адукацыі.
Дабрачынная акцыя працягваецца. Заклікаем усіх жадаючых далучыцца да яе!
Матэрыял прадастаўлены аддзелам камплектавання фондаў.
