ГалоўнаяНавіныНавіны Нацыянальнай бібліятэкі Беларусі
На канікулах – на музейныя заняткі!
Вечны водар чабору. Свой верш “Пахне чабор” Пятрусь Броўка прысвяціў першаму каханню

Кніжны зубр пасяліўся ў Нацыянальнай бібліятэцы

Кніжны зубр пасяліўся ў Нацыянальнай бібліятэцы
Іншыя навіны

Мастацкае аздабленне Нацыянальнай бібліятэкі Беларусі ад сёння стала яшчэ больш цікавым. У фае будынка размясціўся кніжны зубр.

Скульптура “Зубр” з’яўляецца адначасова сімвалам Беларусі і збіральным вобразам моцнай друкарскай традыцыі нашых продкаў. Матэрыялам для яе сталі дэталі старых друкарскіх варштатаў і тыпаграфскага шрыфту, што робіць скульптуру помнікам кнігадрукаванню і пісьменству ў прамым і пераносным сэнсах. Сярод літар алфавіту, якія ўпрыгожваюць скульптуру, сустракаюцца нашы адметныя літары “ў” і “і”. Гэты факт канчаткова здымае пытанне аб нацыянальнай прыналежнасці кніжнага зубра.

Скульптура ў стылі хай-тэк створана дызайнерам Генадзем Катлінскім у рамках аўтарскага праекта Уладзіміра Ліхадзедава “У пошуках страчанага”. Альтэрнатыўна яна называецца “Алеф” па назве першай літары старажытных алфавітаў, якая паходзіць ад егіпецкага іерогліфа ў выглядзе галавы быка.

Матэрыял прадастаўлены навукова-даследчым аддзелам кнігазнаўства.

Навіны

Аб пазнавальных выставах і навошта чытаць кнігі

21 Вер 2020

Кальцавыя калідоры Нацыянальнай бібліятэкі Беларусі не толькі прастора для перамяшчэння па будынку, але яшчэ і пляцоўка для выстаў. Важныя даты, цікавыя падзеі – усё гэта знаходзіць адлюстраванне ў пазнавальных кніжных экспазіцыях. У праграме “Мінск і мінчане” тэлеканала СТБ распавялі пра самыя актуальныя ў верасні.

Навіны Нацыянальнай бібліятэкі Беларусі

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

20 Вер 2020

ААТ “Белкніга” падвяла вынікі продажу кніг у студзені–жніўні сёлетняга года. У рэйтынгу продажаў са ста назваў кніг на беларускай мове, выдадзеных у Беларусі, на першым месцы – “Гары Потэр і філасофскі камень” Дж. Роўлінг. Нашы суайчыннікі набылі ў “Белкнізе” 288 асобнікаў. Другое месца – за раманам “Каласы пад сярпом тваім” Уладзіміра Караткевіча (выдавецтва “Попурри”; у рамана – 203 пакупнікі).

Навіны бібліятэк

Да 100-годдзя з дня нараджэння Раісы Пятроўны Сімаковай

18 Вер 2020

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Партрэты: гісторыя бібліятэкі ў асобах

111