24–25 лістапада ў Нацыянальнай бібліятэцы Беларусі для бібліятэк Гродзенскай, Мінскай і Магілёўскай абласцей прайшлі навучальныя мерапрыемствы, якія закрылі серыю вебінараў, прысвечаных краязнаўчым інфармацыйным рэсурсам публічных бібліятэк.
Спецыялісты інфармацыйнага цэнтра НББ распавялі пра краязнаўчыя рэсурсы, прадстаўленыя ў Рэгіянальных зводных электронных каталогах бібліятэк Беларусі і прадэманстравалі магчымасці новай анлайн-энцыклапедыі “Беларусь у асобах і падзеях”.
У працы вебінараў дыстанцыйна прынялі ўдзел звыш за 90 спецыялістаў з 23 бібліятэк Гродзенскай, Мінскай і Магілёўскай абласцей.
Спікеры вебінару:
- Рысева Жанна Севасцьянаўна, загадчыца аддзела бібліятэчна-інфармацыйных тэхналогій Нацыянальнай бібліятэкі Беларусі, выступіла з паведамленнем на тэму “Прадстаўленне краязнаўчых рэсурсаў у Рэгіянальных зводных электронных каталогах”.
- Барсукова Наталля Іванаўна, галоўны бібліёграф навукова-даследчага аддзела бібліяграфіі Нацыянальнай бібліятэкі Беларусі, прэзентавала “Анлайн-энцыклапедыю «Беларусь у асобах і падзеях»”.
Тэхнічнае суправаджэнне ажыццяўлялі супрацоўнікі сектара сістэмнага адміністравання інфармацыйна-вылічальнага аддзела Нацыянальнай бібліятэкі Беларусі.
Дзякуй усім за працу!
Краязнаўчыя рэсурсы бібліятэк Брэсцкай, Віцебскай і Гомельскай абласцей на віртуальнай пляцоўцы НББ (+ відэа)
Матэрыял пададзены аддзелам бібліятэчна-інфармацыйных тэхналогій.