ГалоўнаяНавіныНавіны Нацыянальнай бібліятэкі Беларусі
Шляхамі Песняра
Падпісанне Пагаднення аб супрацоўніцтве

Круглы стол да 500-годдзя кнігадрукавання

Круглы стол да 500-годдзя кнігадрукавання
Іншыя навіны

6 чэрвеня ў бібліятэцы адбылося пасяджэнне круглага стала “500-годдзе беларускага і ўсходнеславянскага кнігадрукавання. Францыск Скарына і Сімяон Полацкі”.


У пасяджэнні круглага стала прынялі ўдзел міністр інфармацыі Рэспублікі Беларусь Лілія Ананіч, дзяржаўны сакратар Саюзнай дзяржавы Рыгор Рапота, дырэктар Нацыянальнай бібліятэкі Беларусь Раман Матульскі, выканаўца абавязкаў генеральнага дырэктара Расійскай дзяржаўнай бібліятэкі Уладзімір Гняздзілаў, дырэктар філіяла “Інстытут літаратуразнаўства імя Янкі Купалы” Цэнтра даследаванняў беларускай культуры, мовы і літаратуры НАН Беларусі Іван Саверчанка, намеснік дырэктара па навукова-метадычнай рабоце навукова-метадычнай установы “Нацыянальны інстытут адукацыі” Міністэрства адукацыі Рэспублікі Беларусь Валянціна Гінчук, протаіерэй, настаяцель Усіхсвяцкага прыходу ў г. Мінска Фёдар Поўны, кіраўнікі і намеснікі кіраўнікоў пастаянных камісій Савета Рэспублікі і Палаты прадстаўнікоў Нацыянальнага сходу Рэспублікі Беларусь, прадстаўнікі Пасольства Расійскай Федэрацыі ў Рэспубліцы Беларусь, Рассупрацоўніцтва ў Рэспубліцы Беларусь, Дома рускага замежжа імя А. Салжаніцына, кіраўнікі выдавецтваў і выдавецкіх дамоў, адказныя работнікі Пастаяннага камітэта Саюзнай дзяржавы і Нацыянальнай бібліятэкі Беларусі.

Падчас пасяджэнняў былі разгледжаны пытанні аб мерапрыемствах устаноў культуры, накіраваныя на падрыхтоўку і правядзенне святкавання 500-годдзя беларускага і ўсходнеславянскага кнігадрукавання, вучэбным кнігавыдаўніцтве ў Беларусі і яго традыцыях, ролі беларускага кнігадрукавання ў развіцці дзяржаўнасці, гуманітарнага складніка ў рамках Саюзнай дзяржавы і мэтавых праграмах, духоўнай каштоўнасці кнігі, сумеснай праграме Беларусі і Расіі да 500-годдзя кнігадрукавання ў Беларусі, аб праекце па факсімільным узнаўленні кніжнай спадчыны Францыска Скарыны, а таксама аб спадчыне Францыска Скарыны і Сімяона Полацкага ў лёсе славянскіх народаў і шэраг іншых найважнейшых аспектаў культурнага развіцця грамадства.

Удзельнікі пасяджэння падкрэслілі значнасць захавання і развіцця кніжных традыцый нашых папярэднікаў і прапанавалі актывізаваць супрацоўніцтва розных устаноў Беларусі і Расіі ў галіне выяўлення, захавання і сумеснага выкарыстання агульнай кніжнай спадчыны, што з’яўляецца асабліва важным напярэдадні святкавання 500-годдзя беларускага і ўсходнеславянскага кнігадрукавання.

У рамках круглага стала была падрыхтавана выстаўка праектаў Нацыянальнай бібліятэкі па захаванні кніжнай спадчыны Беларусі. На ёй прадстаўлены 11 тамоў факсімільнага выдання “Кніжная спадчына Францыска Скарыны”, “Тураўскае Евангелле”, “Баркалабаўскі летапіс”, “Жыціе блажэннай Еўфрасінні…”, “Симеон Полоцкий. Жезл Правления”, “Святое Евангелие. Слуцк, 1582”, “Буквар мовы славянскай”, “Калядная пісанка. 1913 год”.

Напрыканцы мерапрыемства ганаровыя госці наведалі музей кнігі Нацыянальнай бібліятэкі Беларусі.

 

Навіны

Сярэдневяковая паэзія, якая абавязкова вам спадабаецца

24 Чэр 2021

Сярэдневякоўе зачароўвае. Пышныя рыцарскія турніры, высакародныя дамы, легенды пра караля Артура, чума, у рэшце рэшт! Антураж больш чым захапляльны, але мы з ім знаёмыя ў асноўным па празаічных творах. А як наконт паэзіі? Сапраўднай сярэдневяковай паэзіі. Апранайцеся ў латы, доблесныя аматары вершаў: сёння мы ўспомнім пра сем неверагодных еўрапейскіх паэтаў і гераічныя эпасы, якія вы палюбіце з першага позірку.

Аўтарскі погляд

Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан

22 Чэр 2021

Прэзентацыя інфармацыйна-ілюстрацыйнага праекта “Лясная песня” ў горадзе Нур-Султан была прымеркавана да 80-годдзя пачатку Вялікай Айчыннай вайны.

Навіны Нацыянальнай бібліятэкі Беларусі

23 Чэр 2021

«Тэатр, як вядома, мае звычай зацягваць у сябе людзей, як зачараваны лес». Думаецца, праўдзівасць гэтага радка з рамана «Вялікае падарожжа Малой» пацвердзіць аўтарка Алена Папова. Ведаюць яе не толькі як драматурга, чые п'есы ідуць па ўсім свеце, перамагаюць на прэстыжных міжнародных конкурсах, але і як адметнага празаіка. «Таямнічы код прозы Алены Паповай» – гучала ў загалоўку адной з рэцэнзій.

Навіны бібліятэк

22 Чэр 2021

19 чэрвеня 1924 года нарадзіўся беларускі пісьменнік Васіль Быкаў. Большасць твораў, напісаных аўтарам, – аповесці, дзеянне якіх адбываецца ў час Вялікай Айчыннай вайны. У іх паказаны маральны выбар чалавека ў найбольш драматычныя моманты жыцця. Быкаў на свае вочы бачыў вайну, таму так ярка і эмацыянальна яму ўдавалася перадаць увесь цяжар ваенных гадоў. Прапануем вам пяць кніг народнага пісьменніка Беларусі, якія праславілі беларускую літаратуру на ўвесь свет.

Навіны бібліятэк

24 Чэр 2021

Наш сёньняшні госьць – знаны дасьледчык беларускае даўніны Сяргей Тарасаў. Справай усяго яго жыцьця стала вывучэньне гісторыі Полацкага княства. А яго новая кніга «Еўфрасіньня, Офрасіньня, Афрасіньня Полацкая. Яе час, яе Крыж» ужо выклікала вялікі розгалас і нават стала сэнсацыяй для многіх чытачоў.

Навіны бібліятэк

Сярэдневяковая мініяцюра, злыя зайцы і маргіналіі: што гэта такое і дзе пра гэта чытаць

21 Чэр 2021

Вы любіце ілюстрацыі. Хто іх не любіць? Малюнкі заўсёды засвойваюцца куды прасцей і хутчэй, чым шматстаронкавыя тэксты, а калі яны яшчэ і для вока прыемныя, задавальненне вырастае ўдвая. Так думалі і людзі ў Сярэдневякоўі, а таму шчодра дадавалі ў свае кнігі каляровыя мініяцюры. Вы пэўна бачылі некалькі такіх – шалёныя зайцы з дзідамі, ціхамірныя людзі ў дзіўных позах, рыцары змагаюцца са слімакамі... Давайце разбяромся, чаму кніжная мініяцюра такая незвычайная.

Аўтарскі погляд

Бібліятэкарам
111