ГалоўнаяНавіныНавіны Нацыянальнай бібліятэкі Беларусі
Перадача ў дар рэдкіх кніг
Вечар у Маскве да Дня беларускага пісьменства

Круглы стол да 950-годдзя Бібліятэкі полацкага Сафійскага сабора і Дня бібліятэк

Круглы стол да 950-годдзя Бібліятэкі полацкага Сафійскага сабора і Дня бібліятэк
Іншыя навіны

15 верасня адбыўся круглы стол, прымеркаваны да Дня бібліятэк і 950-годдзя першай беларускай бібліятэкі – Бібліятэкі полацкага Сафійскага сабора.


На мерапрыемстве, якое прайшло ў Нацыянальнай бібліятэцы, сабраліся кіраўнікі і прадстаўнікі Міністэрства культуры, Беларускай праваслаўнай царквы, работнікі бібліятэк і музеяў, вядучыя спецыялісты ўстаноў навукі і адукацыі, каб разам адзначыць 950-годдзе першай у Беларусі бібліятэкі і абмеркаваць пытанні захавання нацыянальнай кніжнай спадчыны.

З прывітальным словам выступілі начальнік упраўлення ўстаноў культуры і народнай творчасці Міністэрства культуры Наталля Іванаўна Задзяркоўская, першы намеснік старшыні Полацкага райвыканкама Сяргей Дзмітрыевіч Лейчанка, дырэктар Нацыянальнай бібліятэкі Беларусі Раман Сцяпанавіч Матульскі, епіскап Барысаўскі і Мар`інагорскі Веньямін. Мадэратарам круглага стала з’яўляўся намеснік дырэктара бібліятэкі па навуковай рабоце і выдавецкай дзейнасці Аляксандр Аляксандравіч Суша.

З дакладамі і прэзентацыямі, прысвечанымі гісторыі Бібліятэкі полацкага Сафійскага сабора, выступілі дэкан гістарычнага факультэта Беларускага дзяржаўнага ўніверсітэта, доктар гістарычных навук Аляксандр Генадзьевіч Каханоўскі, свяшчэннік, сакратар Сінадальнага аддзела рэлігійнай адукацыі і катэхізацыі, выкладчык кафедры царкоўнай гісторыі Мінскай духоўнай семінарыі Аляксей Сяргеевіч Хацееў, дырэктар Нацыянальнай бібліятэкі Беларусі, доктар педагагічных навук Раман Сцяпанавіч Матульскі, дырэктар Нацыянальнага полацкага гісторыка-культурнага музея-запаведніка, кандыдат культуралогіі Тамара Аляксандраўна Джумантаева.

З моманту свайго ўзнікнення Бібліятэка полацкага Сафійскага сабора як цэнтр праваслаўя на беларускіх землях мела выдатны фонд і адыгрывала значную ролю ў жыцці грамадства. У ХІІ стагоддзі папаўненню яе збору садзейнічала сама Еўфрасіння Полацкая, уласнаручна перапісваючы святыя кнігі ў скрыпторыі сабора. Бібліятэка ўключала мноства відаў літаратурных помнікаў, такіх як літургічныя кнігі, філасофскія творы, біблейскія і новазапаветныя тэксты і кампіляцыі, а таксама гістарычныя працы і летапісы. На жаль, бібліятэка была згублена падчас Лівонскай вайны і на сённяшні дзень існуе мноства здагадак наконт лёсу яе фонду. Кнігі з гэтай бібліятэкі – значная частка культурнай спадчыны Беларусі – апынуліся ў Польшчы, Расіі, Украіне, у прыватных калекцыях.

Удзельнікі круглага стала пазнаёміліся з выстаўкай, прысвечанай Бібліятэцы полацкага Сафійскага сабора і гісторыі бібліятэчнай справы Беларусі.

Вынікі работы круглага стала і прынятыя рашэнні будуць спрыяць далейшаму ўмацаванню супрацоўніцтва паміж установамі культуры, адукацыі і навукі ў рашэнні праблемы аднаўлення культурнай спадчыны Беларусі.

Навіны

Алічбаваны альбом “Фоталетапіс з хатняга архіва Яна Скрыгана”

14 Чэр 2021

У межах віртуальнага праекта “На хвалі часу, у плыні жыцця”, прымеркаванага да 100-годдзя літаб’яднання “Маладняк”, рэалізуюцца самыя розныя ініцыятывы: праводзяцца мерапрыемствы, далучаюцца зацікаўленыя даследчыкі і партнёры, наладжваюцца сувязі з нашчадкамі маладнякоўцаў. Несумненнай каштоўнасцю праекта з’яўляюцца алічбаваныя дакументы, сярод якіх не толькі артыкулы, але і кнігі.

Да 100-годдзя літаб'яднання "Маладняк"

Як трусік Пітэр і Джамайма Крак стварылі першы кніжны мерч

11 Чэр 2021

Пра любое новае захапленне часта хочацца крычаць на ўвесь свет. Зачапіла кніга? Куплю закладкі з цытатамі! Спадабалася музычная група? Хутчэй, трэба купіць футболку з яе лагатыпам! Уразіў новы фільм? Ну, вы зразумелі ход думкі. Чым бы мы ні захапляліся, напэўна ў свеце ўжо ёсць падыходзячы мерч – вопратка, аксесуары і іншыя рэчы з сімволікай. Лічыцца, што эпоха мерчу пачалася з дыснееўскай Беласнежкі і выпуску лялек з галоўнай гераіняй, гномамі і добрымі звярамі-сябрамі. Але мала хто ведае, што першы сапраўдны мерчандайз быў... кніжным. Хвіліначку ўвагі, спадары і спадарыні: сёння мы паглядзім, як трусік Пітэр і Беатрыс Потэр сталі піянерамі ў гэтай няпростай справе і што з гэтага выйшла.

Аўтарскі погляд

Віртуальная чытальная зала НББ для публічных бібліятэк Мінскай вобласці: інфармацыйна-бібліятэчнае абслугоўванне карыстальнікаў у сучасных умовах

10 Чэр 2021

Нацыянальная бібліятэка працягвае серыю мерапрыемстваў, прысвечаных пытанням метадычнага забеспячэння работы публічных бібліятэк розных рэгіёнаў нашай краіны.

Навіны Нацыянальнай бібліятэкі Беларусі

Забытае імя ў гісторыі бібліятэкі

14 Чэр 2021

14 чэрвеня спаўняецца 130 гадоў з дня нараджэння Карла Юр’евіча Шкільтэра (1891‒1941), гісторыка, журналіста, рэдактара, бібліёграфа, публіцыста, палітычнага і грамадскага дзеяча, кандыдата гістарычных навук, прафесара, выконваючага абавязкі дырэктара Дзяржаўнай бібліятэкі БССР імя У.І. Леніна ў 1937 г.

Па старонках беларускага календара

Каштоўнае папаўненне фондаў Нацыянальнай бібліятэкі Беларусі

9 Чэр 2021

Фонды бібліятэкі ўвесь час папаўняюцца, але найбольшую цікавасць і каштоўнасць уяўляюць кнігі і экспанаты, якія трапляюць у галоўнае кнігасховішча краіны з уласных палічак саміх аўтараў ці іх нашчадкаў. Сёння мы рады прадставіць вам такое выданне.

Да 100-годдзя літаб'яднання "Маладняк"

Бібліятэкарам
111