ГалоўнаяНавіныНавіны Нацыянальнай бібліятэкі Беларусі
Якуб Колас і рускія пісьменнікі
Другі дзень Марафону майстар-класаў

Круглы стол і культурна-асветніцкая акцыя

Круглы стол і культурна-асветніцкая акцыя
Іншыя навіны

27 красавіка па традыцыі ў бібліятэцы прайшлі мерапрыемствы, прысвечаныя Сусветнаму дню кнігі і аўтарскага права, а таксама Міжнароднаму дню інтэлектуальнай уласнасці.


У першай палове дня адбыўся круглы стол “Аўтарскае права і ліцэнзіі Creative Commons у Беларусі: за і супраць”, у якім прынялі ўдзел каля 50 прадстаўнікоў устаноў культуры і адукацыі.

Перад удзельнікамі выступілі Таццяна Кузьмініч, намеснік дырэктара па інфармацыйных рэсурсах Нацыянальнай бібліятэкі Беларусі; Аляксей Бічурын, начальнік цэнтра па калектыўным кіраванні маёмаснымі правамі Нацыянальнага цэнтра інтэлектуальнай уласнасці; Сяргей Лосеў, начальнік аддзела даследаванняў у сацыяльнай сферы Нацыянальнага цэнтра заканадаўства і прававых даследаванняў Рэспублікі Беларусь; Міхаіл Волчак, спікер філіяла Creative Commons у Беларусі; Вячаслаў Брычкоўскі, загадчык сектара інфармацыйнага забеспячэння інавацыйнай дзейнасці Нацыянальнай бібліятэкі Беларусі.

У ходзе актыўнай дыскусіі аб магчымых новаўвядзеннях, прапанаваных у новай рэдакцыі Закона аб аўтарскім праве і сумежных правах, удзельнікі выпрацавалі шэраг прапаноў да аўтараў нарматыўнага акта і выказалі іх у падагульняючым дакуменце мерапрыемства.

У другой палове дня ў галерэі “Лабірынт” прайшла культурна-асветніцкая акцыя “Майстры беларускай культуры. Яўген Глебаў”, прысвечаная творчай спадчыне народнага артыста БССР і СССР, кампазітара Яўгена Аляксандравіча Глебава.

З прывітальным словам выступіў Раман Матульскі, дырэктар Нацыянальнай бібліятэкі Беларусі.

Сярод ганаровых гасцей мерапрыемства была Ларыса Глебава – захавальніца музычнай спадчыны кампазітара, якая перадала электронныя копіі яго рукапісных нотных партытур у Нацыянальную бібліятэку. У выніку “Цифровой калейдоскоп” бібліятэкі папоўніўся яшчэ адной унікальнай калекцыяй – “Мастера белорусской культуры. Евгений Глебов”, якую ўвазе гасцей прадставіла Алена Камінская, вядучы бібліёграф аддзела фарміравання электроннай бібліятэкі.

Тамара Куніцкая, дырэктар дзіцячай музычнай школы № 10 імя Яўгена Глебава, расказала аб важнай ролі твораў кампазітара ў фарміраванні музычнай культуры дзяцей. Навучэнцы школы выканалі фрагменты з яго музычных твораў.

У рамках акцыі госці змаглі азнаёміцца з выстаўкай, на якой былі прадстаўлены матэрыялы з фондаў бібліятэкі пра жыццё і творчасць нашага выдатнага сучасніка.

Навіны

Нацыянальная бібліятэка афарбавалася ў колеры канадскага флага

2 Ліп 2020

1 ліпеня Дзень Незалежнасці адзначае Канада. З нагоды нацыянальнага свята паўночнаамерыканскай краіны на вонкавым электронным светлавым табло Нацыянальнай бібліятэкі Беларусі з’явіўся бела-чырвоны сцяг з кляновым лістом – сімвалам Канады. Акцыя прайшла па ініцыятыве Міністэрства замежных спраў Рэспублікі Беларусь.

Навіны Нацыянальнай бібліятэкі Беларусі

Больш за 4 тыс. нумароў беларускіх часопісаў міжваеннага перыяду сталі даступны анлайн

2 Ліп 2020

Нацыянальная бібліятэка Беларусі працягвае адкрываць анлайн свае фонды. Напярэдадні Дня Незалежнасці Рэспублікі Беларусь паўнатэкставая электронная калекцыя “Беларуская літаратурная спадчына. Часопісы 1919–1939 гг.” папоўнілася новымі выданнямі.

Бібліятэка анлайн

2 Ліп 2020

Творчасць Валянціны Паліканінай даўно заўважана не толькі айчыннымі літаратарамі, але і замежнымі. Зрэшты, дзейнасць паэтэсы, публіцыста, перакладчыцы не абмяжоўваецца толькі літаратурай. Пасля аддзела культуры часопіса «Беларусь» яна працягвае журналісцкую працу ў часопісе «Гаспадыня». Нядаўна стала вядома, што Валянціна Паліканіна – у ліку іншых дзечаў культуры, якія неўзабаве атрымаюць медаль Францыска Скарыны.

Навіны бібліятэк

3 Ліп 2020

Я не ведаю (каюся ў сваёй недасведчанасці), ці надрукавана тое, пра што я хачу сказаць, у кнігах альбо перыядычных выданнях. Гаворка пра Яна Скрыгана і яго згадку пра Янку Купалу. Зноў жа – матэрыял з цэкоўскага сейфа.

Навіны бібліятэк

1 Ліп 2020

Папулярызацыя беларускай мовы і беларускай кнігі – справа вельмі шматгранная, і поспех залежыць ад мноства фактараў і многіх людзей. Адным з найбольш камерцыйна ўдалых кірункаў гэтай не надта масавай і, адпаведна, не надта выгаднай справы з’яўляюцца пераклады сусветнай літаратуры на беларускую мову.

Навіны бібліятэк

111