14 лістапада Нацыянальная бібліятэка Беларусі запрашае прыняць удзел у круглым стале, прысвечаным Берасцейскай Бібліі.
Праблемнае поле круглага стала:
- Берасцейская Біблія – шэдэўр беларускага кнігадрукавання ХVI ст.
- Берасцейская друкарня і беларускае кнігадрукаванне XVI ст.
- Мастацтва беларускіх старадрукаў
- Беларуская кніжная культура і пісьмовыя традыцыі ў эпохі Рэфармацыі і Рэнесансу
- Пераклады Бібліі ў Беларусі ў XVI–XVIІІ стст.
- Факсімільнае выданне кніжных помнікаў як культурна-асветніцкая місія
Да ўдзелу запрашаюцца навуковыя супрацоўнікі, спецыялісты бібліятэк, архіваў і музеяў, краязнаўцы. Просім праінфармаваць арганізатараў аб сваім удзеле і тэме дакладу да 10 лістапада 2019 г.
Пражыванне, харчаванне, транспартныя выдаткі – за кошт удзельнікаў.
Месца правядзення: зала адукацыйных тэхналогій (пам. 346).
Час правядзення: 14 лістапада, 14.00–16.00.
Кантакты: (8 017) 293 27 81, (8 017) 293 27 82.
E-mail: sapega@nlb.by
Матэрыял прадастаўлены навукова-даследчым аддзелам кнігазнаўства.
