28 верасня ў галерэі “Лабірынт” адбыўся чарговы канцэрт з цыкла “Нацыянальная музычная спадчына Беларусі”.
Музычная капэла Цэнтра даследаванняў беларускай культуры, мовы і літаратуры НАН Беларусі правяла інтэрактыўную лекцыю-канцэрт “Гануся, сардэнька, маё ты каханне”. У цэнтры ўвагі было асэнсаванне сучасных працэсаў у кампазітарскай творчасці і выканальніцтве, якія былі прадстаўлены ў творчай канцэпцыі “музычны ілюзіён”.
Лекцыя прайшла з далучэннем мультымедыйнага кантэнту (аўтар – Ганна Русак), сцэнаграфіі (аўтар – Юліяна Шырмо). У выкананні жаночага вакальнага ансамбля (кіраўнік, хормайстар – Жанна Філіповіч) і струннага квартэта (кіраўнік – Галіна Забышная), салістаў-інструменталістаў (Андрэй Кірычэнка, Паліна Бабіліна), вакалістаў (Аляксей Апановіч, Ірына Папова, Кацярына Сергіевіч, Ганна Дзідзенка) і, вядома ж, усяго складу Музычнай капэлы (мастацкі кіраўнік – Галіна Цмыг) у якасці ілюстрацый былі выкананы і фрагменты твораў Алены Атрашкевіч, Аляксандра Літвіноўскага, Уладзіміра Кур’яна, Самуіла Палонскага, Юрыя Семянякі, Аляксея Туранкова на словы Янкі Купалы, Якуба Коласа, Максіма Багдановіча і інш.
Запрашаем усіх жадаючых на наступны канцэрт “Перад вамі спяваем старадаўнім звычаем”, на якім прагучыць вакальная і харавая музыка беларускіх кампазітараў гісторыка-стылявых перыядаў барока і класіцызму. Слухачы змогуць развучыць творы і ўзяць удзел у выкананні. Сустрэча адбудзецца 26.10.2023 у 18.30.
Тэлефон для даведак: (8 017) 293 27 52.
Матэрыял пададзены аддзелам абслугоўвання спецыялізаванымі фондамі.
