9 ліпеня ў рамках святкавання Дня незалежнасці Рэспублікі Беларусь і ў памяць аб 80-й гадавіне пачатку Вялікай Айчыннай вайны ў цэнтральнай гарадской галерэі “Махал” у правінцыі Чанакале (Турцыя) пры падтрымцы Генеральнага консульства Рэспублікі Беларусь у Стамбуле адбылося адкрыццё інфармацыйна-ілюстрацыйнага праекта “Лясная песня”.
Сумесны праект Нацыянальнай бібліятэкі Беларусі і Нацыянальнага архіва Рэспублікі Беларусь пазнаёміў прысутных на мерапрыемстве з гісторыяй беларускага партызанскага руху праз дакументы таго часу: разнастайныя рукапісныя матэрыялы, лістоўкі, агітплакаты, газеты, фатаграфіі, сюжэтныя замалёўкі, урыўкі з апавяданняў, паэм, вершаў і песень.
Удзел у мерапрыемстве прынялі прадстаўнікі рэгіянальных уладаў Турцыі, бізнесу, дзеячы культуры, беларуская дыяспара, СМІ.
Матэрыял пададзены аддзелам сувязей з грамадскасцю.
