1 красавіка ў Нацыянальнай бібліятэцы прайшла пілотная экскурсія з элементамі тэатральнай пастаноўкі. Навучэнцаў сярэдняй школы № 121 г. Мінска, якія прыехалі пазнаёміцца з “алмазам ведаў”, сустрэлі экскурсаводы і сапраўдныя тэатральныя лялькі.
Дзеці ўбачылі міні-спектакль аб правілах паводзін у бібліятэцы, самі змаглі ў ім паўдзельнічаць і адчуць сябе акцёрамі тэатра лялек. У школьнікаў была магчымасць разгледзець касцюмы лялек-марыянетак і ўявіць, як яны ствараліся, паціснуць руку лялечнаму хлопчыку і паспрабаваць кіраваць ім.
Для гасцей была падрыхтавана выстаўка кніг аб ляльках і цацках з фондаў Нацыянальнай бібліятэкі Беларусі.
Новы фармат аказаўся даспадобы маленькім экскурсантам: яны змаглі стаць не толькі слухачамі, але і актыўнымі ўдзельнікамі экскурсіі, праявіць свае эмоцыі і творчасць.
Запрашаем і вас на экскурсіі ў Нацыянальную бібліятэку Беларусі.
Тэлефоны для даведак і запісу: (8 017) 293 29 66, 293 28 53.
Матэрыял пададзены экскурсійна-метадычным аддзелам.
