26-29 лістапада 2008 года ў Нацыянальнай бібліятэцы Польшчы (Варшава, Рэспубліка Польшча) адбыўся міжнародны дыскуcійны семінар “Новая роля нацыянальных бібліятэк. Прадстаўленне комерцыйных сервісаў грамадскага карыстання”.
У семінары прынялі ўдзел прадстаўнікі васьмі краін Еўропы: Беларусі, Балгарыі, Казахстана, Літвы, Малдовы, Польшчы, Расіі, Румыніі. Рэспубліку Беларусь прадставіла намеснік дырэктара Нацыянальнай бібліятэкі Беларусі па навуковай рабоце і сувязях з грамадскасцю Кірухіна Людміла Генадзеўна, якая выступіла з прэзентацыяй віртуальных паслуг Нацыянальнай бібліятэкі Беларусі: віртуальнага цэнтра прававой інфармацыі, віртуальнай даведачнай службы “Спытай бібліятэкара”, віртуальнай чытальнай залы, віртуальнай экскурсіі па бібліятэцы.
Удзельнікі семінара абмяняліся вопытам у сферы ўзаемадзеяння бібліятэк, прадстаўлення камерцыйных сервісаў інтэрнету ў бібліятэках, абмеркавалі пытанне камерцыялізацыі апрацоўкі нацыянальнай бібліяграфіі.
У межах семінара адбыўся Форум выдаўцоў, на якім Кірухіна Л.Г. прадэманстравала друкаваную
і электронную выдавецкую прадукцыю Нацыянальнай бібліятэкі Беларусі.