26 снежня ў дзіцячым пакоі прайшлі заняткі “Мультчытайка” паводле казкі Х.К. Андэрсана “Снежная каралева”.
На мерапрыемстве дзеці з вялікай цікавасцю прачыталі ўрыўкі з казкі пра прыгоды адважнай дзяўчынкі Герды і хлопчыка Кая ў краіне Снежнай каралевы. Вобразы казачных герояў, якіх дзяўчынка сустрэла на сваім шляху, яны змаглі ўбачыць у аднайменным мультфільме.
Пасля знаёмства з персанажамі казкі юныя ўдзельнікі лёгка адказалі на пытанні віктарыны, разгадалі крыжаванку і намалявалі ўпадабанага героя.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
