23 студзеня ў “Клубе кніжных прафесараў” адбыліся музейныя заняткі “Рукапісная кніга”.
У даўнія часы кніга была зусім не падобная на сучасную. У музеі кнігі ўдзельнікі пазнаёміліся з асноўнымі формамі і матэрыяламі кнігі, тыпамі пісьма, а таксама з асаблівасцямі мастацкага афармлення рукапісаў.
У экспазіцыі юныя даследчыкі ўбачылі арыгінальныя рукапісныя кнігі і пагарталі факсімільныя выданні першых айчынных рукапісных помнікаў.
Ці цяжкая праца рукапісца? Чым і на чым пісалі ў даўніну? На гэтыя і іншыя пытанні дапытлівыя наведвальнікі атрымалі адказы.
Дзеці стварылі сваё ўнікальнае пяро і “ператварыліся” ў рукапісцаў.
Наступныя заняткі – “Факсіміле” – маюць адбыцца 30 студзеня.
Матэрыял пададзены навукова-даследчым аддзелам кнігазнаўства.