20 чэрвеня бібліятэку наведала намеснік Генеральнага дырэктара ЮНЕСКА па грамадскіх і гуманітарных навуках Нады Аль-Нашыф.
Для госці, якая прыехала ў Мінск для ўдзелу ў цырымоніі адкрыцця ІІ Еўрапейскіх гульняў, была праведзена экскурсія па будынку бібліятэкі, у час якой яна пазнаёмілася з незвычайнай архітэктурай “беларускага алмаза” і больш даведалася пра яго інфармацыйныя рэсурсы, у тым ліку пра віртуальны праект “ЮНЕСКА і Беларусь: вехі супрацоўніцтва”, падрыхтаванага да 65-годдзя ўступлення рэспублікі ў міжнародную арганізацыю.
У рамках візіту адбылася сустрэча высокага госця з намеснікам міністра культуры С.І. Шарамецьевым. Падчас сустрэчы бакі абмеркавалі пытанні супрацоўніцтва Рэспублікі Беларусь з ЮНЕСКА.
Таксама спадарыня Нады Аль-Нашыф азнаёмілася з экспанатамі музея кнігі і пакінула запіс у кнізе ганаровых гасцей.
Прыемным заканчэннем экскурсіі стала наведванне агляднай пляцоўкі бібліятэкі, з якой адкрываецца цудоўная панарама сталіцы.
Матэрыял прадастаўлены аддзелам сувязей з грамадскасцю.
