21 лютага ў Нацыянальнай бібліятэцы Беларусі ў рамках святкавання Міжнароднага дня роднай мовы адбылося мерапрыемства, прысвечанае 25-годдзю прыняцця Канстытуцыі Рэспублікі Беларусь.
Арганізатары – Міністэрства замежных спраў Рэспублікі Беларусь і Нацыянальная бібліятэка Беларусі.
У бібліятэцы прагучалі ўрыўкі з канстытуцый (асноўных законаў) 27 краін на англійскай, беларусскай, італьянскай, латвійскай, літоўскай, польскай, рускай, славацкай, украінскай, фінскай, японскай і іншых мовах свету. У мерапрыемстве прынялі ўдзел прадстаўнікі дыпламатычнага корпуса, міжнародных арганізацый, члены Нацыянальнай камісіі па справах ЮНЕСКА.
Дырэктар Нацыянальнай бібліятэкі Беларусі Раман Матульскі адзначыў, што Бацькаўшчына, сям’я, традыцыя – гэта не проста словы, а сталыя асновы існавання суверэнных народаў, якія могуць на роднай мове з годнасцю прадстаўляць сябе ў свеце.
Міністр замежных спраў, старшыня Нацыянальнай камісіі па справах ЮНЕСКА Уладзімір Макей падкрэсліў, што наша мова з’яўляецца важнай рысай этнічнага самаўсведамлення беларусаў, важкім падмуркам дзяржаўнасці, пасля чаго прачытаў Прэамбулу Канстытуцыі Рэспублікі Беларусь.
Удзельнікаў і гасцей мерапрыемства чакала выстаўка канстытуцый розных краін свету з фондаў бібліятэкі і экскурсія па выстаўцы “«Маніхфэст» Рэспублікі”, прымеркаванай да 100-годдзя абвяшчэння БССР і размешчанай у музеі кнігі.
Мерапрыемства суправаджалася выступленнямі вакалістаў Беларускай дзяржаўнай акадэміі музыкі.
Матэрыял прадастўлены аддзелам сувязей з грамадскасцю.