21 лістапада ў рамках мерапрыемстваў па інфармацыйна-прававой асвеце грамадзян у бібліятэцы прайшла тэматычная сустрэча з адвакатам на тэму “Прававыя падставы спынення працоўнага дагавора: заканадаўства і судовая практыка”.
Мерапрыемства было арганізавана Нацыянальнай бібліятэкай Беларусі і Беларускай рэспубліканскай калегіяй адвакатаў.
З лекцыяй выступіла Таццяна Эдуардаўна Шпілеўская, кандыдат юрыдычных навук, дацэнт кафедры грамадзянскага працэсу і працоўнага права юрыдычнага факультэта БДУ, член Мінскай гарадской калегіі адвакатаў.
На сустрэчы былі асветлены асноўныя пытанні ў сферы праваадносін па вырашэнні працоўных спрэчак у рамках дзеючага заканадаўства Рэспублікі Беларусь. Карыстальнікі бібліятэкі змаглі задаць пытанні, якія тычацца падстаў спынення працоўнага дагавора, спынення працоўных адносін па ініцыятыве наймальніка, гарантый пры звальненні.
У рамках мерапрыемства экспанавалася тэматычная выстаўка літаратуры з фондаў Нацыянальнай бібліятэкі Беларусі.
Матэрыял падрыхтаваны аддзелам абслугоўвання афіцыйнымі дакументамі. I> P>