ГалоўнаяНавіныНавіны Нацыянальнай бібліятэкі Беларусі
#BelBookChallenge рэкамендуе: зборнікі любоўнай лірыкі
Залатая Горка, Доўгі Брод, Пярэспа: гісторыя пасляваеннага Мінска ў фотадакументах

Нацыянальная бібліятэка Беларусі і Белпошта: плён супрацоўніцтва

Нацыянальная бібліятэка Беларусі і Белпошта: плён супрацоўніцтва
Іншыя навіны

Адным з кірункаў дзейнасці Нацыянальнай бібліятэкі Беларусі з’яўляецца супрацоўніцтва з РУП “Белпошта”, якое працягваецца некалькі гадоў і ўжо стала сістэматычным і плённым.

Бібліятэка прымае ўдзел у стварэнні марак і канвертаў, прысвечаных юбілеям знакавых для гісторыі і культуры Беларусі дзеячаў. Ужо былі падрыхтаваны матэрыялы з фондаў бібліятэкі да выхаду ў свет філатэлістычнай прадукцыі, прымеркаванай да юбілеяў Тадэвуша Касцюшкі, Афанасія Філіповіча (Афанасія Брэсцкага), Яна Баршчэўскага.

У 2019 годзе Белпошта пры ўдзеле Нацыянальнай бібліятэкі і Нацыянальнага гістарычнага архіва ажыццявіла праект па стварэнні паштовай маркі, канверта першага дня і спецштэмпеля, прысвечанага 200-годдзю з дня нараджэння Станіслава Манюшкі. Выявы гэтай філатэлістычнай прадукцыі ўключаны ў віртуальны праект “Станіслаў Манюшка. Музычны рамантык з Міншчыны”, які быў падрыхтаваны бібліятэкай да юбілею кампазітара.

Bielposhta-1.jpg
200 год з дня нараджэння Станіслава Манюшкі.
Паштовая марка. 2019 г.

Bielposhta-2.jpg
Канверт першага дня і спецштэмпель. 2019 г.

За мінулы 2020 год бібліятэка сумесна з Белпоштай падрыхтавала праект канверта да 125-годдзя Мікалая Шчакаціхіна (1896–1940) – гісторыка і тэарэтыка мастацтва, педагога, аднаго з заснавальнікаў беларускага мастацтвазнаўства.

Bielposhta-3.jpg

У 2021 годзе будзе адзначацца і 125-годдзе з дня нараджэння беларускага паэта, грамадскага і культурнага дзеяча Міхася Чарота (1896–1937). Да гэтай даты таксама запланаваны выхад канверта, які ўжо зацверджаны.

Bielposhta-4.jpg

Каб здзейсніць гэтыя праекты, збіраліся матэрыялы пра юбіляраў: вокладкі каштоўных кніг, якія былі выдадзены пры жыцці М. Шчакаціхіна і М. Чарота, фотаздымкі, артыкулы, інфармацыя пра ўшанаванне памяці з ілюстрацыямі да яе, матэрыялы з інтэрнэт-рэсурсаў і г.д.

Адзначым, што сумесная праца ўстаноў працягваецца, ужо распрацаваны план на наступны год. Праз выявы на беларускіх марках і канвертах наша краіна папулярызуе скарбы сваёй гісторыка-культурнай спадчыны за мяжой, таму супрацоўніцтва ў гэтым напрамку будзе развівацца і далей.

Матэрыял пададзены інфармацыйна-аналітычным аддзелам.

Навіны

Нічога святога: чаму вас раздражняе чытанне цераз плячо

16 Кра 2021

З кожным з нас здаралася. Вось убіўся ты ў перапоўнены вагон метро, ​​з цяжкасцю знаходзіш вольнае месца, каб уціснуліся хаця б галава, плечы і кніга ў руках, адкрываеш яе – бо на самым цікавым месцы спыніўся, як тут не дачытаць? І вось тады цябе наганяе гэта. Чужы зацікаўлены погляд слізгае па старонках, няпрошаны чытач ледзь на вуха не сапе – ну што за дзёрзкасць! Хаця... А што ў гэтым наогул такога? Чаму позірк, кінуты спадарожнікам у чужую кнігу, абуджае ў нас столькі гневу і раздражнення? Паспрабуем разабрацца.

Аўтарскі погляд

Каталагізацыя дакументаў у рэгіянальных зводных электронных каталогах бібліятэк Беларусі

15 Кра 2021

15 красавіка Нацыянальная бібліятэка правяла вэбінар на тэму “Методыка і тэхналогія каталагізацыі дакументаў у рэгіянальных зводных электронных каталогах”.

Навіны Нацыянальнай бібліятэкі Беларусі

Вяртанне кнігазбору Храптовічаў

15 Кра 2021

15 красавіка ў музеі кнігі адбылося ўрачыстае адкрыццё выставы “Кнігазбор Храптовічаў: на шляху вяртання”, на якой упершыню прадстаўлены ўнікальныя экспанаты: перапіска XIX стагоддзя сям’і Храптовічаў і вернутыя з-за мяжы кнігі з іх знакамітай бібліятэкі у Шчорсах.

Кніжныя выстаўкі

Да Сусветнага дня кнігі і аўтарскага права і Міжнароднага дня інтэлектуальнай уласнасці

15 Кра 2021

21 красавіка ў Нацыянальнай бібліятэцы пройдуць мерапрыемствы, прысвечаныя Сусветнаму дню кнігі і аўтарскага права, а таксама Міжнароднаму дню інтэлектуальнай уласнасці.

Навіны Нацыянальнай бібліятэкі Беларусі

Да юбілею Беларускага дзяржаўнага ўніверсітэта: па старонках беларускіх газет 1921 года

14 Кра 2021

Нацыянальная бібліятэка Беларусі працягвае знаёміць з даўнімі падзеямі гуманітарнай сферы Беларусі, пра якія 100 гадоў таму ў артыкулах і нататках паведамлялі беларускія газеты.

Праект “Сведкі эпохі: Беларусь на старонках газет 100-гадовай даўніны”

Сучасныя тэхналогіі «ажывілі» беларускіх класікаў

14 Кра 2021

На Youtube-канале «Кніга Беларусі» з’явілася відэа, у якім «ажылі» беларускія класікі. Сярод іх – Янка Купала, Якуб Колас, Максім Багдановіч, Уладзімір Караткевіч, Васіль Быкаў і іншыя. Яны рухаюцца, міргаюць, пазіруюць перад камерай. Аўтар праекта і відэарэканструкцыі – Алесь Суша, намеснік генеральнага дырэктара Нацыянальнай бібліятэкі Беларусі.

Навіны бібліятэк

Бібліятэкарам
111