Нацыянальная бібліятэка Беларусі прадставіла паслугі па рэстаўрацыі і алічбоўцы дакументаў. У апошнія гады ў нашай краіне павялічваецца цікавасць да захавання папяровых дакументаў, якія яскрава адлюстроўваюць этапы жыцця чалавека, яго сямейную гісторыю. Шкада, але на сёння ў людзей засталося вельмі мала сямейных дакументаў, многія з іх у выніку складаных умоў бытавання дайшлі да нашага часу ў моцна пашкоджаным стане. Фізічны стан некаторых дакументаў настолькі дрэнны, што рызыка іх беззваротнай страты вялікая ўжо ў самай бліжэйшай перспектыве. Таму такі важны кожны адноўлены асобнік. Спецыяліст па рэстаўрацыі прадэманстравала наведвальнікам выставы, як можна аператыўна адрамантаваць кнігі, часопісы і іншыя дакументы, якія матэрыялы выкарыстоўваць і як прымяняць. Рэстаўратар распавяла і пра паслугі па пераплёце кніг, дыпломаў, дысертацый, падшывак газет і часопісаў, а таксама перасцерагла ад выкарыстання скотчу для рамонту кніг у хатніх умовах.

Алічбоўка аўдыявізуальных дакументаў (пласцінак, аўдыя- і відэакасет), паштовак, фатаграфій, а таксама шырокафарматных дакументаў (карт, плакатаў, гравюр, брашур) – яшчэ адна з паслуг Нацыянальнай бібліятэкі, якая сёння стала папулярнай. У многіх аматараў музыкі да гэтага часу ў хатняй фанатэцы захоўваюцца грампласцінкі і старыя запісы на аўдыякасетах, існуе мноства сітуацый, калі патрабуецца стварыць копію карціны, фатаграфіі, старадаўняга альбома, плаката, чарцяжа, газеты або копію рукапісаў розных фарматаў да А0. Спецыяліст па алічбоўцы паказаў працэс канвертавання відэа- і друкаваных дакументаў у лічбавую форму.

На выставе можна пазнаёміцца з прэзентацыяй інфармацыйных рэсурсаў і іншых паслуг Нацыянальнай бібліятэкі Беларусі, такіх як:

Запрашаем наведаць стэнд Нацыянальнай бібліятэкі Беларусі на цэнтральнай экспазіцыі “Беларусь – лічбавая дзяржава”.

Матэрыял пададзены аддзелам сувязей з грамадскасцю.

+ Увеличить

Нацыянальная бібліятэка Беларусі на міжнароднай выставе “TIBO-2022”

Інфармацыйныя рэсурсы

Паслугі