З 25 па 28 красавіка Нацыянальная бібліятэка Беларусі ўдзельнічала ў XIX Міжнароднай спецыялізаванай выстаўцы і кангрэсе па тэлекамунікацыях, інфармацыйных і банкаўскіх тэхналогіях “ТІБО-2012”.
На стэндзе Нацыянальнай бібліятэкі Беларусі былі прадстаўлены яе інфармацыйныя рэсурсы і паслугі – інтэрнэт-партал Нацыянальнай бібліятэкі Беларусі; базы даных “Беларусь у асобах і падзеях”, “Бібліятэкі Рэспублікі Беларусь і замежных краін”; “Электронны архіў нацыянальнай перыёдыкі”, “Электронная бібліятэка дысертацый і аўтарэфератаў дысертацый Нацыянальнай бібліятэкі Беларусі”; а таксама віртуальная чытальная зала; віртуальны цэнтр прававой інфармацыі; віртуальны цэнтр па дзейнасці міжнародных арганізацый “Адкрытая інфармацыя”; віртуальная даведачная служба “Спытай бібліятэкара”; служба электроннай дастаўкі дакументаў; інфармацыйныя тэхналогіі для карыстальнікаў з парушэннем зроку.
Таксама наведвальнікі азнаёміліся з выдавецкай, паліграфічнай і рэкламнай дзейнасцю Нацыянальнай бібліятэкі Беларусі.
У рамках мерапрыемстваў XIX Міжнароднай спецыялізаванай выстаўкі і кангрэса “ТІБО-2012” адбыўся навукова-практычны семінар “Электронная культура”.
Па выніках XIX Міжнароднай спецыялізаванай выстаўкі па тэлекамунікацыях, інфармацыйных і банкаўскіх тэхналогіях “ТІБО-2012” Нацыянальная бібліятэка Беларусі адзначана дыпломам удзельніка выстаўкі, а таксама дыпломам за прасоўванне інавацыйных рашэнняў у бібліятэчнай справе.
Чытайце таксама:
- Навукова-практычны семінар "Электронная культура"
- Открылась совмещенная выставка "СМИ в Беларуси" и "ТИБО-2012"
- ТІБО-2012