25 лютага ў бібліятэцы прайшла акцыя-свята “Мы лепшыя з лепшых!” Першамайскай раённай г. Мінска арганізацыі РГА “Белая Русь”.
На мерапрыемстве адбылася ўрачыстая цырымонія ўзнагароджання па выніках агляду-конкурсу за 2020 год. У акцыі прынялі ўдзел намеснікі дырэктара па ідэалагічнай і выхаваўчай рабоце, старшыні і намеснікі старшынь пярвічных арганізацый Першамайскай раённай г. Мінска арганізацыі РГА “Белая Русь”, іншыя ганаровыя госці.
Нацыянальная бібліятэка Беларусі стала пераможцай у намінацыі “Лепшая першасная арганізацыя РГА «Белая Русь»” сярод устаноў навукі і культуры. У завяршэнні акцыі-свята прайшло ўручэнне членскіх білетаў новым членам арганізацыі. Сярод іх і супрацоўнікі нашай бібліятэкі.
Матэрыял пададзены аддзелам сувязей з грамадскасцю.
