28 снежня ў канферэнц-зале Нацыянальнай бібліятэкі Беларусі адбыўся навагодні ранішнік для дзяцей супрацоўнікаў бібліятэкі "Цудоўныя ператварэнні ў навагоднюю ноч".
У святочным мерапрыемстве ўзялі ўдзел выхаванцы сацыяльна-педагагічнага цэнтра з прытулкам Першамайскага раёна г. Мінска.
Хлопчыкі і дзяўчынкі ўдзельнічалі ў навагоднім карагодзе, гульнях і конкурсах. Па заканчэнні святочнага прадстаўлення выхаванцы школы-інтэрната атрымалі навагоднія падарункі ад прафкама і супрацоўнікаў Нацыянальнай бібліятэкі Беларусі, якія ўзялі ўдзел у дабрачыннай акцыі “Ажыццяві дзіцячую мару”.