ГалоўнаяНавіныНавіны Нацыянальнай бібліятэкі Беларусі
Бібліятэка не перастае здзіўляць
Запрашаем да ўдзелу ў навуковым зборніку “Здабыткі”

Навукова-практычная канферэнцыя “Бібліятэка як культурна-гістарычны аспект развіцця краіны”

Навукова-практычная канферэнцыя “Бібліятэка як культурна-гістарычны аспект развіцця краіны”
Іншыя навіны

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Генеральны дырэктар Нацыянальнай бібліятэкі Беларусі Р.С. Матульскі ўзяў удзел ва ўрачыстым мерапрыемстве і выступіў з прывітальным словам у адрас удзельнікаў.

Раман Сцяпанавіч падкрэсліў значнасць Гродзенскай абласной навуковай бібліятэкі імя Я.Ф. Карскага як вядучага інфармацыйнага, адукацыйнага і сацыякультурнага цэнтра, лідара бібліятэчнай сферы Гродзеншчыны.

Характарызуючы дзейнасць Гродзенскай абласной навуковай бібліятэкі імя Я.Ф. Карскага, можна па праве ўжыць слова “першая”. Яна стаіць у шэрагу першых публічных бібліятэк на сучаснай тэрыторыі Беларусі. Адна з першых у рэспубліцы была цалкам камп’ютарызавана і аўтаматызавана. Адной з першых адгукаецца на ўсе інавацыі, адкрыта эксперыментам і прагрэсіўным зменам. Пацверджанне гэтаму – паспяховая арганізацыя першага ў рэспубліцы інтэрактыўнага цэнтра навукі і тэхналогій мультыцэнтра “Совушка”, створанага ў рамках праграмы трансгранічнага супрацоўніцтва.

Бібліятэка займае ганаровае месца сярод культурна-асветніцкіх устаноў рэгіёну, з’яўляецца інавацыйным цэнтрам па ўкараненні перадавога інфармацыйна-камунікацыйнага бібліятэчнага вопыту. Яна – удзельніца шматлікіх яркіх праектаў і праграм, накіраваных на захаванне нацыянальнай спадчыны, пашырэнне доступу да інфармацыі, мадэрнізацыю бібліятэчнай дзейнасці і прадастаўленне карыстальнікам новых паслуг.

Штогод у бібліятэцы на высокім прафесійным узроўні праходзяць Гарадзенскія чытанні і іншыя міжнародныя навукова-практычныя канферэнцыі, фестываль кнігі “Кніжныя скарбы Беларусі”, мерапрыемствы ў рамках творчых праектаў, праграм і акцый. Дзякуючы намаганням супрацоўнікаў бібліятэкі, захоўваюцца традыцыі Э. Ажэшкі: дзейнічае літаратурны салон “У пані Элізы”, праходзяць тэатралізаваныя паказы “Эліза Ажэшка запрашае”, летнія канцэрты-балі, дабрачынныя мерапрыемствы для дзяцей-сірот.

Дзякуючы нястомнай працы калектыву кампетэнтных супрацоўнікаў, якія адрозніваюцца высокім прафесіяналізмам, умеюць спалучаць фундаментальны падыход і актуальнасць у стварэнні найбагацейшага інфармацыйнага патэнцыялу, накіроўваюць сваё майстэрства і творчасць на асвету грамадства, яго духоўнае развіццё і павышэнне культурнага ўзроўню Гродзенская абласная навуковая бібліятэка імя Я.Ф. Карскага з’яўляецца незаменным звяном бібліятэчнай супольнасці, заўсёды адкрытым для ўзаемадзеяння.

У знак удзячнасці ўкладу ў развіццё бібліятэчнай справы краіны і шматгадовага плённага супрацоўніцтва Раман Сцяпанавіч уручыў Ганаровую грамату Нацыянальнай бібліятэкі Беларусі дырэктару Гродзенскай абласной навуковай бібліятэкі Мальцавай Лідзіі Васільеўне, а таксама падзякі – інжынеру-праграмісту Іодэлю Паўлу Віктаравічу і бібліятэкару Сапацько Ганне Валер’еўне.

Матэрыял падрыхтаваны навукова-даследчым аддзелам бібліятэказнаўства.

Навіны

Скарыназнаўства ў Францыі

23 Кас 2020

23 кастрычніка адбыўся рэальна-віртуальны навуковы круглы стол, прысвечаны кнігазнаўчым даследаванням ў Францыі. Вядучым экспертам мерапрыемства выступіла Вольга Шутава, кіраўнік Лабараторыі скарыназнаўства і валарызацыі даследаванняў гісторыі культуры Беларусі (Парыж, Францыя), кандыдат гістарычных навук.

Навіны Нацыянальнай бібліятэкі Беларусі

Запіс на першы курс “Клуба кніжных прафесараў”

23 Кас 2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Навіны Нацыянальнай бібліятэкі Беларусі

Пасяджэнне Савета бібліятэк Беларусі па інфармацыйным узаемадзеянні

22 Кас 2020

21 кастрычніка ў рамках VII Міжнароднага кангрэса “Бібліятэка як феномен культуры” адбылося штогадовае пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

Чараўніцтва для чайнікаў: навошта адаптуюць класічныя казкі і дзе чытаць некласічныя

22 Кас 2020

З тых часоў, як чалавек навучыўся складаць гукі ў словы, а словы – у сказы, свет навокал пачаў імкліва абрастаць казкамі. Чароўнымі гісторыямі тлумачылі ўсё, што пужала сваёй нязведанасцю – змену часоў года, нараджэнне, смерць, колер птушынага пер’я і з’яўленне агню. Што ж з імі цяпер? Іх спасцігла доля нястрымнай адаптацыі. Старыя казкі перапісваюцца на новы лад, іх матывы ўплятаюцца ў іншыя гісторыі. Як гэта робіцца, а галоўнае – навошта? Давайце зірнём на гісторыю адаптацыі казачнай класікі.

Блог прафесійнага чытача

Сугучча

22 Кас 2020

З 22 кастрычніка на 3-м паверсе кальцавога калідора працуе выстаўка “Сугучча”, арганізаваная Нацыянальнай бібліятэкай Беларусі сумесна з Выдавецкім домам “Звязда”.

Кніжныя выстаўкі

Скарыназнаўства ў Францыі

21 Кас 2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Навіны Нацыянальнай бібліятэкі Беларусі

111