З 1 жніўня Нацыянальная бібліятэка Беларусі прапануе юрыдычным асобам (выдавецтвам, рэдакцыям і інш.) скарыстацца новай паслугай – вызначэннем валавай нумарацыі перыядычнага/з працягам выдання.
Валавы нумар перыядычнага выдання – гэта парадкавы (скразны) нумар выпуску выдання з дня яго заснавання. У адпаведнасці з п.7.5.2 СТБ 7.4-2017 “СІБВС. Выданні. Выхадныя звесткі. Агульныя патрабаванні і правілы афармлення”, які ўстанаўлівае патрабаванні да складання выхадных звестак, у тым ліку перыядычных выданняў і выданняў з працягам, афармлення выхадных звестак і парадку іх размяшчэння на элементах выданняў, за бягучым нумарам выдання павінен прыводзіцца яго валавы нумар.
Перайменаванні, перапынкі ў выданні, змена ўласніка могуць абцяжарыць вызначэнне валавога нумара. Спецыялісты Нацыянальнай бібліятэкі Беларусі правядуць бібліяграфічнае даследаванне і дапамогуць устанавіць неабходныя даныя.
Паслуга выконваецца ў адпаведнасці з Прэйскурантам платных паслуг, якія аказваюцца юрыдычным асобам.
Тэлефон для даведак: (8 017) 293 27 39 (з 9 да 17 г. па буднях).
