Для карыстальнікаў, якія не маюць магчымасці наведаць нашу бібліятэку, падрыхтаваны кароткі відэаўрок па працы з анлайн-сэрвісам “Складанне спіса літаратуры па тэме”, які знаёміць з умовамі аказання паслугі і парадкам афармлення заказу.
Паслуга па тэматычным падборы літаратуры для курсавых, дыпломных, дысертацыйных і іншых навуковых работ ажыццяўляецца на аснове крытэрыяў пошуку, указаных заказчыкам, і ў адпаведнасці з Прэйскурантам платных паслуг бібліятэкі.
Фізічным асобам паслуга прадастаўляецца як у зале інфармацыйна-бібліяграфічнага абслугоўвання (пам. 257), так і праз наш інтэрнэт-магазін. Юрыдычным асобам – у адпаведнасці з дагаворам на аказанне інфармацыйных паслуг.
Перавагай анлайн-сэрвісу “Складанне спіса літаратуры па тэме” з’яўляецца не толькі поўны цыкл аддаленага аказання паслугі (ад заказу да аплаты), але і магчымасць адначасова са спісам атрымаць на электронную пошту заказчыка поўныя тэксты знойдзеных па тэме дакументаў (пры такой неабходнасці і іх наяўнасці).
Звяртаем вашу ўвагу, што на партале Нацыянальнай бібліятэкі Беларусі па-ранейшаму даступныя віртуальныя даведачныя службы “Спытай бібліятэкара”, КОРУНБ і Віртуальны цэнтр прававой інфармацыі, праз якія можна бясплатна атрымаць спіс літаратуры па нескладаных тэмах (да 10 назваў) з шыфрамі захоўвання выданняў у бібліятэцы.
Азнаёміцца з іншымі відэаўрокамі можна тут.
Тэлефоны для даведак: (8 017) 293 27 38, 293 27 40.Е-mail: sio@nlb.by
