25 сакавіка ў галерэі “Ракурс” адбылося ўрачыстае святочнае мерапрыемства “Пад небам Грэцыі Свяшчэннай…”.
Мерапрыемства прайшло ў рамках святкавання Дня Незалежнасці Грэчаскай Рэспублікі і 190-годдзя вызвалення Элады ад турэцкага прыгнёту.
Арганізатарамі мерапрыемства выступілі Беларускае грамадскае аб’яднанне грэкаў “Пелапанес”, Пасольства Грэчаскай Рэспублікі ў Расійскай Федэрацыі, Міністэрства культуры Рэспублікі Беларусь, Міністэрства адукацыі Рэспублікі Беларусь і Нацыянальная бібліятэка Беларусі.
У рамках мерапрыемства адбылася прэзентацыя кніжна-ілюстрацыйнай выстаўкі, на якой дэманстравалася літаратура аб гісторыі, сацыяльнага і культурнага жыцця Грэцыі.
У мабільнай галерэі размясцілася выстаўка грэчаскіх мастакоў Наталлі, Уладзіміра і Паўла Дзімітрыядзі, а таксама экспазіцыя фотаматэрыялаў, у якую ўвайшлі партрэты Герояў нацыянальна-вызваленчага руху Грэцыі (1821–1833 гг.).
У мерапрыемстве ўзялі ўдзел старшыня Савета Беларускага грамадскага аб’яднання грэкаў “Пелапанес” Рафаэль Дзяльянаў, дырэктар Нацыянальнай бібліятэкі Беларусі Раман Матульскі, прадстаўнікі грэчаскай дыяспары і творчай інтэлігенцыі.
Для гасцей вечара была прадстаўлена канцэртная праграма, у якой выступілі лаўрэаты і ўдзельнікі рэспубліканскіх фестываляў і конкурсаў Ксенія Чалопула, Паліна Міхайлава, Марк Войтка, Артур Міхайлаў, Вікторыя Трандафілідзі, Арцём Ахпаш, а таксама харэаграфічны ансамбль “Белыя крылы” пад кіраўніцтвам заслужанага дзеяча культуры Рэспублікі Польшчы Віктара Барановіча і танцавальны ансамбль “Алкясціда” пад кіраўніцтвам Данілы Міхайлідзі.
Мастацкая выстаўка Наталлі, Уладзіміра і Паўла Дзімітрыядзі будзе доўжыцца да 10 красавіка ў мабільнай галерэі (3-ці паверх, кальцавы калідор) Нацыянальнай бібліятэкі Беларусі.