6 чэрвеня ў бібліятэцы падпісана Пагадненне аб супрацоўніцтве паміж Пастаянным камітэтам Саюзнай дзяржавы і Нацыянальнай бібліятэкай Беларусі.
Падпісанню Пагаднення папярэднічала адкрыццё выстаўкі “Саюзная дзяржава Беларусі і Расіі” з удзелам міністра культуры Рэспублікі Беларусь Барыса Уладзіміравіча Святлова і дзяржаўнага сакратара Саюзнай дзяржавы Рыгора Аляксеевіча Рапоты.
Кніжная выстаўка ўяўляе сабой дар Пастаяннага камітэта Саюзнай дзяржавы і змяшчае звыш 50 найменняў, сярод якіх зборнікі нарматыўна-прававых дакументаў, статыстычныя і даведачныя выданні, кнігі аб гістарычных сувязях паміж беларускім і рускім народамі, аб супрацоўніцтве ў розных сферах у рамках Саюзнай дзяржавы. Асаблівую цікавасць уяўляюць даведнікі па старажытных славянскіх гарадах - Полацку, Смаленску, Ржэве, Слуцку і іншых беларускім і расійскіх гарадах ад Масквы да Брэста, а таксама тэматычныя выяўленчыя выданні.
Пасля вітальнай прамовы дырэктара Нацыянальнай бібліятэкі Беларусі Рамана Сцяпанавіча Матульскага адбылося ўрачыстае падпісанне Пагаднення аб супрацоўніцтве паміж Пастаянным камітэтам Саюзнай дзяржавы і Нацыянальнай бібліятэкай Беларусі.
 |
 |
 |
 |
 |
 |
 |
 |
 |
