21 лютага ў Беларускім культурным цэнтры г. Кішынёва адбылося адкрыццё выставы, прысвечанай 75-годдзю Перамогі ў Вялікай Айчыннай вайне з удзелам Прэзідэнта Рэспублікі Малдова Ігара Дадона.
На выставе быў прэзентаваны перасоўны праект “Лясная песня”, падрыхтаваны да знамянальнай даты Нацыянальнай бібліятэкай Беларусі на падставе дакументаў з фонду “алмаза ведаў” і дакументаў Нацыянальнага архіва Рэспублікі Беларусь. Праект стаў свайго роду ўспамінам пра жахі вайны, подзвігі простага народа, сілу духу партызан, Вялікую Перамогу. Адкрываючы мерапрыемства, Ігар Дадон адзначыў, што інфармацыйна-ілюстрацыйны праект “Лясная песня” паказвае, як варта ставіцца да гераічных старонак свайго мінулага. Перамога ў вайне, захаванне памяці пра яе – гэта тое, што аб’ядноўвала, і ў далейшым будзе аб’ядноўваць малдаўскі і беларускі народы.
У мерапрыемстве ўзялі ўдзел пасол Рэспублікі Беларусь у Малдаўскай Рэспубліцы Сяргей Чычук, пасол Расійскай Федэрацыі ў Малдаўскай Рэспубліцы Алег Васняцоў, прадстаўнікі беларускай дыяспары і грамадскіх арганізацый.
Азнаёміцца з праектам у Кішынёве можна будзе да канца гэтага тыдня. На наступным тыдні выстава адправіцца ў Тыраспаль, дзе запланавана мерапрыемства ў Расійскім цэнтры навукі культуры.
Паглядзець сюжэт пра мерапрыемства можна, перайшоўшы па спасылцы.
Матэрыял прадастаўлены аддзелам сувязей з грамадскасцю.
