12 лютага ў бібліятэцы адбыліся творчыя заняткі “Партрэт першадрукара”, у выніку якіх кожны з удзельнікаў стварыў свой партрэт Францыска Скарыны. Вынікі ўражваюць!
Агульнавядомы партрэт Францыска Скарыны, які быў змешчаны двойчы ў яго кнігах. У гісторыі кнігі гэта самы ранні, калі не першы з партрэтаў друкароў. Першым жывапісным партрэтам нашага першадрукара з’яўляецца партрэт рукі Язэпа Драздовіча. У 1927 годзе і першай палове 1940-х гадоў мастак напісаў шэраг карцін і акварэлей, прысвечаных Францыску Скарыну. Партрэты асветніка стваралі знакамітыя беларускія мастакі Іван Ахрэмчык, Гаўрыла Вашчанка, Мікалай Байрачны, Віктар Шматаў, Валянцін і Ляіля Варэцы, Павел Татарнікаў і іншыя.
Дзеткі паглядзелі партрэты, створаныя знакамітымі мастакамі, і самі ўзяліся за стварэнне партрэтаў. Некаторыя падышлі да творчага задання арыгінальна і зрабілі тантамарэскі – яркія стэнды для фотаздымкаў з адтулінай для твару. У выніку кожны ўдзельнік ненадоўга стаў беларускім першадрукаром.
Заняткі арганізаваны дзякуючы актыўнаму ўдзелу вучняў 4 “А” класа сярэдняй школы № 69 г. Мінска і настаўніцы Марыне Уладзіміраўне Яцкевіч.
Заняткі арганізаваны ў межах праекта “У госці да кніг”.
Матэрыял прадастаўлены навукова-выдавецкім аддзелам кнігазнаўства.
