21 кастрычніка ў рамках VIII Міжнароднага кангрэса “Бібліятэка як феномен культуры” адбылося пасяджэнне Савета бібліятэк Беларусі па інфармацыйным узаемадзеянні.
Сустрэча членаў Савета прайшла пад старшынствам генеральнага дырэктара Нацыянальнай бібліятэкі Беларусі Аксаны Кніжнікавай. У пасяджэнні прынялі ўдзел кіраўнікі рэспубліканскіх навуковых, абласных бібліятэк, а таксама бібліятэк вядучых устаноў вышэйшай адукацыі.
Члены Савета абмеркавалі шэраг пытанняў па рэалізацыі сумесных праектаў: карпаратыўная падпіска на ліцэнзійныя электронныя інфармацыйныя рэсурсы праз віртуальную чытальную залу Нацыянальнай бібліятэкі Беларусі, узаемадзеянне бібліятэк Беларусі па алічбоўцы фондаў, выкарыстанне ў метадычным суправаджэнні дзейнасці бібліятэк практыка-арыентаваных выданняў Нацыянальнай бібліятэкі.
Рашэнне Савета бібліятэк Беларусі па інфармацыйным узаемадзеянні
Матэрыял пададзены аддзелам карпаратыўнага ўзаемадзеяння.