У пасяджэнні, якое адбылося 20 сакавіка ў Нацыянальнай бібліятэцы Беларусі, прынялі ўдзел дырэктары рэспубліканскіх і абласных бібліятэк, кіраўнікі рабочых груп выканаўчага камітэта Савета.
Была разгледжана работа кансорцыума (Савета бібліятэк Беларусі па інфармацыйным узаемадзеянні) па карпаратыўным набыцці баз даных для бібліятэк Беларусі на 2015 г. і перспектывы развіцця віртуальнай чытальнай залы Нацыянальнай бібліятэкі Беларусі.
Падведзены вынікі анкетавання бібліятэк Беларусі па выкарыстанні Зводнага электроннага каталога, вызначаны перспектывы развіцця айчыннай сістэмы карпаратыўнай каталагізацыі.
Адобраны план мерапрыемстваў бібліятэк Беларусі па падрыхтоўцы да 500-гадовага юбілею пачатку беларускага кнігадрукавання.
Разгледжаны асноўныя напрамкі работы груп выканаўчага камітэта кансорцыума ў 2015 г., а таксама змены ў саставе Савета.
Работа Савета бібліятэк Беларусі па інфармацыйным узаемадзеянні атрымала станоўчую ацэнку прысутных.
 |
 |
