23 мая Нацыянальная бібліятэка Беларусі перадала бібліятэцы 361-й базы аховы і абслугоўвання “Цэнтральных органаў ваеннага кіравання” каля 300 выданняў.
Перадача кніг адбылася ў рамках Года кнігі і ў падтрымку рэспубліканскай акцыі “Беларускую кнігу – у рэгіёны”.
Фонд бібліятэкі папоўніўся энцыклапедычнымі і даведачнымі выданнямі, гісторыка-дакументальнымі творамі, вучэбнай, і мастацкай літаратурай.
Асаблівую каштоўнасць уяўляюць энцыклапедыі і даведачныя выданні, падораныя выдавецтвам “Беларуская Энцыклапедыя імя П. Броўкі”: тамы “Беларускай энцыклапедыі”, “Энцыклапедыі гісторыі Беларусі”, а таксама кнігі з серыі “Классика литератур СНГ”.
Усяго на працягу 2012 года Нацыянальная бібліятэка Беларусі плануе бязвыплатна перадаць 100 тысяч выданняў у больш за 200 публічных, універсітэцкіх, школьных і іншых спецыялізаваных бібліятэк краіны.
У Нацыянальнай бібліятэцы Беларусі сфарміраваны фонд літаратуры для ўнутрырэспубліканскага абмену і пераразмеркавання, які пастаянна папаўняецца за кошт шматлікіх дароў ад розных арганізацый і прыватных асоб. Нацыянальная бібліятэка Беларусі вядзе мэтанакіраваную работу па папулярызацыі кнігі і чытанні, а таксама робіць усё неабходнае для аператыўнага доступу да атрыманых выданняў як мага большага круга беларускіх чытачоў.
Чытайце таксама пра перадачу ў дар Нацыянальнай бібліятэкай Беларусі больш за 300 выданняў сельскай бібліятэцы аграгарадка Дворышча Дзяржынскага раёна Мінскай вобласці і больш за 200 выданняў бібліятэцы пагранзаставы “Беняконі” ў Гродзенскай вобласці .