27 красавіка ў бібліятэцы адбыўся першы дзень Марафону майстар-класаў па папулярызацыі кніжнай культуры, прысвечанага 500-годдзю беларускага кнігадрукавання.
З прывітальным словам да ўдзельнікаў звярнуліся мадэратары мерапрыемства Галіна Кірэева, загадчыца навукова-даследчага аддзела кнігазнаўства, і Таццяна Сапега, загадчыца сектара навукова-праектнай работы. Мадэратары падкрэслілі, што марафон майстар-класаў – гэта ўнікальнае мерапрыемства, калі ў адным месцы можна ўбачыць і пачуць вядомых экспертаў, абмяняцца інавацыйнымі ідэямі і напрацоўкамі, прадэманстраваць арыгінальнасць падыходаў, здольнасць да імправізацыі, гатоўнасць да пашырэння вопыту. Майстар-клас, які праводзіцца знаўцам сваёй справы, з’яўляецца адной з найбольш эфектыўных форм распаўсюджвання ўласнага досведу.
У першы дзень марафону сваё прафесійнае майстэрства прадэманстравалі:
САФІЯ САДОЎСКАЯ, Нацыянальны мастацкі музей Рэспублікі Беларусь, дзіцячыя творчыя майстэрні галерэі сучаснага мастацтва “Ў” (Мінск),
"Играем в искусство”;
СВЯТЛАНА КРЫЛОВА, КІРЫЛ КІСЕЛЬ, Гомельская абласная ўніверсальная бібліятэка імя У.І. Леніна (Гомель),
“Кипу детей солнца”;
АЛЯКСЕЙ КОВАЛЬ, ГАННА КУЛІКОВА, “Студыя каліграфіі Calligraphy.by” (Мінск),
“Кірылічная вязь”;
НАТАЛЛЯ СТАНКЕВІЧ, АЛЕНА ПАСАДСКАЯ, ВОЛЬГА ЯКУБОВІЧ, Цэнтральная гарадская бібліятэка імя В.П. Таўлая (Баранавічы),
“Чтения «Чемодан историй» по книге Рози Лэм «Встреча»”;
СВЯТЛАНА ЛЯВОНЦЬЕВА, Веткаўскі музей стараабрадніцтва і беларускіх традыцый імя Ф.Р. Шклярава (Ветка),
“Райский сад”.