ГалоўнаяНавіныНавіны Нацыянальнай бібліятэкі Беларусі
Статус гісторыка-культурнай каштоўнасці атрымае феномен “Паўлінкі” Купалаўскага тэатра
Здымкі ў інтэр'ерах галоўнай бібліятэкі краіны

Пра беларускіх ілюстратараў, якія прысвяцілі талент Яе Вялікасці Кнізе

Пра беларускіх ілюстратараў, якія прысвяцілі талент Яе Вялікасці Кнізе
Іншыя навіны

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

“Малюнак пад кніжнай вокладкай” – гэта вандроўка ў сусвет думак і разважанняў славутых беларускіх майстроў пэндзля, праект, які захоўвае ў сабе жыццё і сучасных мастакоў, і нават тых, каго ўжо няма з намі. Прачытаўшы кнігу, можна даведацца пра іх біяграфіі, факты, якія нельга знайсці ў інтэрнэце, бо яны ўзятыя з асабістага інтэрв’ю. Вядомыя мастакі Беларусі расказваюць пра ўнутраны свет, кола чытацкіх інтарэсаў, дзяцінства, шлях у мастацтва і разважаюць пра будучыню айчыннай графікі.

Аўтар кнігі асабіста сустракала гасцей. На прэзентацыі прысутнічалі героі зборніка “Малюнак пад кніжнай вокладкай” – Аксана Аракчэева і Ірына Мацкевіч, а таксама былыя калегі Вольгі Міхайлаўны, сябры і вучні з аб’яднання па інтарэсах “Журналістыка”.

Pauliuchenka-6.jpg

Мерапрыемства пачалося і суправаджалася цудоўнымі песняміў выкананні аўтара – Юліі Шабанавай. Журналісты Алена Шахно і Галіна Суша распавялі цікавыя гісторыі пра знаёмства з аўтарам кнігі і сумесную працу. А сама Вольга Міхайлаўна расказала, як нарадзіўся гэты праект, які шлях пралягаў ад знаёмства з героямі і да публікацыі.

Сустрэча была прасякнута цёплай сяброўскай атмасферай. Пасля заканчэння імпрэзы госці не спяшаліся разыходзіцца, знаёміліся з працамі герояў кнігі, прадстаўленымі на выставе, арганізаванай супрацоўнікамі бібліятэкі.

Аўтар публікацыі: Юлія Харланава.

Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

#BelBookChallenge прапануе: кніга, дзе ён яе кахае, а яна яго не

27 Сту 2021

BelBookChallenge працягвае адшукваць літаратуру для цікавага чытання! У гэты раз падрыхтуйце свае насоўкі і ўвесь запас суперажывання: наша тэма заўжды актуальная і знаходзіць водгук ў сэрцах літаральна кожнага чытача. Сёння мы падабралі для вас кнігі, дзе ён яе кахае, а яна яго не – і наадварот, бо мы за роўнасць ва ўсім. Нават ў неўзаемным каханні.

Блог прафесійнага чытача

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111