14 ліпеня ў бібліятэцы адбылася рабочая нарада, прысвечаная абмеркаванню Маракешскага дагавора па падтрымцы доступу да апублікаваных работ для сляпых людзей, людзей з абмежаваннямі па зроку ці іншымі абмежаваннямі па доступе да друкаваных работ.
Асноўная мэта дагавора заключаецца ў пераадоленні “кніжнага голаду” – глабальнай сітуацыі, калі толькі вельмі невялікі працэнт апублікаваных работ прадстаўлены ў даступных фарматах, у якіх яны могуць быць прачытаны інвалідамі па зроку.
З дакладамі выступілі менеджар праграмы “Аўтарскае права і бібліятэка” міжнароднага кансорцыума EIFL Тэрэза Хакет, прадстаўнік Санкт-Пецярбургскай дзяржаўнай бібліятэкі для сляпых і слабавідушчых Саніа Баталава.
У рабочай нарадзе прынялі ўдзел першы намеснік дырэктара Нацыянальнай бібліятэкі Беларусі па абслугоўванні карыстальнікаў і ідэалогіі Алена Далгаполава, намеснік дырэктара Нацыянальнай бібліятэкі Беларусі па інфармацыйных рэсурсах Таццяна Кузьмініч, дырэктар ДУ “Цэнтралізаваная сістэма дзяржаўных публічных бібліятэк г. Мінска” Алена Кубышкіна, а таксама супрацоўнікі Нацыянальнай бібліятэкі Беларусі і публічных бібліятэк г. Мінска.
 |
 |
 |
 |
 |
 |
