20 верасня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Маладыя і шматдзетныя сем’і: ільготы і дапамога”.
З лекцыяй выступіў загадчык спецыялізаванай юрыдычнай кансультацыяй № 2 па абслугоўванні суб’ектаў гаспадарання Мінскай абласной калегіі адвакатаў Шыраеў Ігар Вячаслававіч.
На сустрэчы былі падрабязна асветлены прававыя пытанні ў рамках дзеючага заканадаўства Рэспублікі Беларусь, звязаныя з жыллёвымі ільготамі, прэферэнцыямі ў адукацыйнай сферы і ахове здароўя, адраснай дапамогай, сацыяльным абслугоўваннем, а таксама праграмай сямейнага капіталу.
Удзельнікі сустрэчы змаглі задаць пытанні, якія іх цікавілі, і атрымаць кампетэнтныя і падрабязныя адказы адваката.
У рамках мерапрыемства экспануецца тэматычная выстава літаратуры з фондаў Нацыянальнай бібліятэкі Беларусі, прадстаўленая ў зале прававой інфармацыі (пам. 207b).
Матэрыял пададзены аддзелам абслугоўвання афіцыйнымі дакументамі.
