21 снежня 2007 года ў Нацыянальнай бібліятэцы Беларусі адбыўся рэспубліканскі семінар па вывучэнні вопыту арганізацыі фізкультурна-аздараўленчай і спартыўнай работы ў галіне культуры.
На пленарным пасяджэнні семінара з дакладам аб арганізацыі масавай фізкультурна-аздараўленчай і спартыўнай работы ў галіне культуры выступіў намеснік Міністра культуры Рэспублікі Беларусь, старшыня рэспубліканскага фізкультурна-спартыўнага клуба Міністэрства культуры Рэспублікі Беларусь Грыдзюшка У.П.
Удзельнікі семінара абмяняліся вопытам, абмеркавалі галоўныя праблемы іасноўныя задачы арганізацыі фізкультурна-аздараўленчай і спартыўнай работы, вырашыць якія закліканы арганізацыі і прафсаюзныя камітэты галіны.
У рамках семінара адбылося адкрыццё кніжнай выстаўкі па прапагандзе масавай фізкультурна-аздараўленчай і спартыўнай работы ў галіне культуры, у цырымоніі адкрыцця якой прынялі ўдзел намеснік дырэктара Нацыянальнай бібліятэкі Беларусі па навуковай рабоце і сувязям з грамадскасцю Кірухіна Л.Г., намеснік старшыні фізкультурна-спартыўнага клуба Міністэрства культуры Рэспублікі Беларусь Маліноўскі У.Т. і начальнік кіравання фізічнай культуры Міністэрства спорту і турызму Рэспублікі Беларусь Няпрахін П.П.
Удзельнікі семінара азнаёміліся з фізкультурна-аздараўленчым комплексам Нацыянальнай бібліятэкі Беларусі; іх увазе быў прадстаўлены таксама фільм аб спартыўна-масавай рабоце фізкультурна-спартыўнага клуба Міністэрства культуры Рэспублікі Беларусь.
 |
 |
 |
 |
