9 жніўня ў Беларускім дзяржаўным педагагічным універсітэце адбылася прэзентацыя рэсурсаў віртуальнай чытальнай залы Нацыянальнай бібліятэкі Беларусі (НББ) для даследчыкаў-стажораў з Рэспублікі Узбекістан.
Загадчык сектара інфармацыйнага забеспячэння інавацыйнай дзейнасці НББ Вячаслаў Брычкоўскі пазнаёміў прысутных з функцыянальнымі магчымасцямі сайта “Беларусь у інфармацыйнай прасторы”, які ўяўляе сабой навігатар па самых аўтарытэтных беларускіх электронных інфармацыйных рэсурсах, што аб’ектыўна адлюстроўваюць жыццё нашай краіны.
Даследчыкам была прадстаўлена інфармацыя аб электронных рэсурсах вядучых выдавецтваў, да якіх арганізаваны доступ праз віртуальную чытальную залу НББ.
Пасля прэзентацыі адбыўся абмен думкамі аб перспектывах развіцця супрацоўніцтва па папулярызацыі сайта “Беларусь у інфармацыйнай прасторы” ў Рэспубліцы Узбекістан.
Матэрыял прадастаўлены аддзелам карпаратыўнага ўзаемадзеяння.