ГалоўнаяНавіныКніжныя выстаўкі
Усё таемнае становіцца відавочным. Пра кніжныя знаходкі – у эфіры тэлеканала АНТ
Пра віртуальныя сэрвісы, даступныя з дому, – у эфіры тэлеканала СТВ

“Сакрэты” кніжных старонак

“Сакрэты” кніжных старонак
Іншыя навіны

Памятаеце старую дзіцячую гульню ў “сакрэты”? Гульцы рабілі ў зямлі невялікія сховы, дзе пад шкельцам змяшчалі розныя дробныя “скарбы”, а потым выкрывалі іх і дэманстравалі толькі самым лепшым сябрам.

“Сакрэты” іншым разам можна знайсці і ў кнігах. За час вывучэння некаторых выданняў у навукова-даследчым аддзеле кнігазнаўства назбіралася калекцыя адмысловых знаходак. Некаторымі з іх мы з радасцю дзелімся з вамі.

Дык якія ж “сакрэты” хаваюцца сярод кніжных старонак?

Часцей за ўсё гэта рэчы, якія выкарысталі замест закладкі. Сярод іх можна сустрэць фатаграфіі, паштоўкі, сшыткавыя лісткі з малюнкамі, рэкламныя лістоўкі, сувенірныя стужачкі, царкоўныя запіскі з замоўленымі набажэнствамі, грошы і шмат што іншае. А часам людзі пакідаюць у кнігах тое, што хочуць захаваць або нешта наўпрост звязанае з самім творам ці выданнем.

Сярод нашых “сакрэтаў” можна ўбачыць самаробную шоўкавую закладку, знойдзеную ў рукапісным асобніку “Актоіха” 1-й паловы XIX ст., засушаныя кветкі з венецыянскага выдання “Каментары да выбраных твораў М.Т. Цыцэрона” 1755 г. або пёрка з літаграфіі рукапісу лекцый па рускай літаратуры А.К. Барадзіна ХІХ ст.

Цікавую гісторыю можа распавесці знаходка з тома з п’есай Шэкспіра “Сон у летнюю ноч”, які ўбачыў свет у Лондане ў 1924 г. Выданне мае прадмову вядомага англійскага драматурга, гісторыка і тэатральнага дзеяча Харлі Грэнвіл-Баркера (Granville-Barker). Кніга ілюстравана англійскім мастаком, дызайнерам і крытыкам Полем Нэшам. Экзэмпляр надрукаваны на адмысловай паперы ручной работы, мае нумар, што сведчыць аб яго рэдкасці і абмежаваным тыражы выдання. У асобнік укладзены ліст, напісаны на бланку Брытанскай амбасады ў Парыжы дыпламатам баронам Уільямам Цірэла (W. Tyrrell) і адрасаваны барону Эдуарду Ротшыльду (Парыж, 14 ліпеня 1930 г.). Са зместу вынікае, што выданне з’яўляецца падарункам на вяселле дачкі барона Жаклін. Гэты ліст – цудоўнае пацверджанне старой показкі, што кніга – лепшы падарунак!

Нечаканыя знаходкі ў выданнях маюць сваю цікавую гісторыю і раскрываюць некаторыя “сакрэты” кніжных старонак.

Матэрыял прадастаўлены навукова-даследчым аддзелам кнігазнаўства.

Навіны

26 Сту 2021

“Беларуская Энцыклапедыя імя Петруся Броўкі” па заказе і пры фінансавай падтрымцы Міністэрства інфармацыі Рэспублікі Беларусь выдала персанальную энцыклапедыю “Уладзімір Караткевіч”. Аддрукавана кніга ў 65, 45 улікова-выдавецкіх аркушаў тыражом 1 000 экзэмпляраў на ААТ “Паліграфкамбінат імя Якуба Коласа”.

Навіны бібліятэк

#BelBookChallenge прапануе: кніга, дзе ён яе кахае, а яна яго не

27 Сту 2021

BelBookChallenge працягвае адшукваць літаратуру для цікавага чытання! У гэты раз падрыхтуйце свае насоўкі і ўвесь запас суперажывання: наша тэма заўжды актуальная і знаходзіць водгук ў сэрцах літаральна кожнага чытача. Сёння мы падабралі для вас кнігі, дзе ён яе кахае, а яна яго не – і наадварот, бо мы за роўнасць ва ўсім. Нават ў неўзаемным каханні.

Блог прафесійнага чытача

Размешчана праграма навукова-практычнага семінара “Шляхамі маладнякоўцаў”

26 Сту 2021

27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).

Навіны Нацыянальнай бібліятэкі Беларусі

23 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Бібліятэкарам
111