22 снежня ў Нацыянальнай бібліятэцы Беларусі адбылося ўручэнне ўзнагарод пераможцам пачэснай намінацыі “Сацыяльна адказны брэнд – 2009” у рамках прафесійнага конкурсу “Брэнд года”.
Намінацыя “Сацыяльна адказны брэнд – 2009” заснавана ў 2005 годзе ў рамках прафесійнага конкурсу “Брэнд года” сумесна з арганізацыйным камітэтам конкурсу і Ініцыятывай “За сацыяльную адказнасць бізнесу” пры падтрымцы ПРААН у Беларусі ў рамках праекта Ініцыятыва ААН “Глабальны дагавор”.
Кампаніі, прадстаўленыя да ўзнагароды ў гэтай намінацыі, на працягу года ажыццяўлялі дабрачынныя акцыі для аховы навакольнага асяроддзя, праводзілі актыўную сацыяльную палітыку ў галіне кіравання персаналам, паспяхова ажыццяўлялі прыватна-дзяржаўнае партнёрства.
Сярод узнагароджаных – РУП “Беларускі металургічны завод”, ЗП “Брыціш-Амерыкан Табака Трэйдзінг Компані”, ААТ “Белаграпрамбанк”, ААТ “Савушкін прадукт”, ТАА “Гандлёвая кампанія «Мілавіца »” і інш.
Мерапрыемства закончылася прэс-канферэнцыяй кіраўнікоў кампаній-пераможцаў.