З 26 па 28 сакавіка ў Нацыянальнай бібліятэцы Беларусі праведзены комплекс арганізацыйных мерапрыемстваў для спецыялістаў Прэзідэнцкай бібліятэкі Рэспублікі Беларусь.
Мерапрыемствы арганізаваны з мэтай падключэння бібліятэкі да Сістэмы карпаратыўнай каталагізацыі і вядзення зводнага электроннага каталога.
Пад час заняткаў асветлены тэхналагічныя аспекты фарміравання бібліяграфічных запісаў, узаемадзеяння са зводным электронным каталогам, ажыццяўлення аўтарытэтнага кантролю на энтытэты “Тэматычны прадмет”, “Геаграфічная назва”, “Імя асобы” і інш., а таксама асаблівасці сэнсавай апрацоўкі дакументаў ва ўмовах карпаратыўнай каталагізацыі.
Вынікі заняткаў і паслядоўнасць мерапрыемстваў па падключэнні Прэзідэнцкай бібліятэкі да Сістэмы карпаратыўнай каталагізацыі абмеркаваны ў рамках круглага стала.