25 сакавіка адбыўся навучальны семінар-дыялог “Сэнсавая апрацоўка і выкарыстанне аўтарытэтных загалоўкаў пры складанні аналітычных запісаў у Зводным электронным каталогу артыкулаў LibКАРД”.
У семінары, які прайшоў у бібліятэцы Акадэміі кіравання пры Прэзідэнце Рэспублікі Беларусь, прынялі ўдзел 60 спецыялістаў з 14 бібліятэк – удзельніц кансорцыума LibКАРД.
Семінар-дыялог быў падрыхтаваны Нацыянальнай бібліятэкай Беларусі сумесна з бібліятэкай Акадэміі кіравання пры Прэзідэнце Рэспублікі Беларусь пры садзейнічанні камітэта па каталагізацыі Беларускай бібліятэчнай асацыяцыі.
З дакладамі выступілі Анохін А.А, Бушыла Л.Л., Пугачова С.А.
Прадстаўлена паведамленне аб узаемадзеянні бібліятэк па аналітычным роспісе дакументаў у кансорцыуме LibКАРД.
Асветлены асаблівасці і перспектывы індэксавання дакументаў і пошуку інфармацыі з прымяненнем Універсальнай дзесятковай класіфікацыі.
Асаблівая ўвага была нададзена пытанням выкарыстання Нацыянальнай базы даных аўтарытэтных запісаў як аптымальнага пошукавага механізму ў электронных каталогах бібліятэк Беларусі. Слухачам была прадстаўлена методыка складання аўтарытэтных запісаў на розныя энтытэты з разгорнутым аналізам складаных выпадкаў аўтарытэтнага кантролю.
Пад час семінара-дыялогу абмеркаваны практычныя аспекты выкарыстання аўтарытэтных загалоўкаў у працэсе каталагізацыі, разгледжаны праблемы фарміравання пошукавага вобраза дакументаў.
Былі агучаны прапановы па развіцці праграмна-тэхнічнай базы Зводнага электроннага каталога артыкулаў LibКАРД і ўдасканаленні ўзаемадзеяння бібліятэк – удзельніц кансорцыума.
 |
 |
 |
