25 кастрычніка ў Нацыянальнай бібліятэцы Беларусі адбыўся міжнародны семінар “Новыя праекты Навуковай электроннай бібліятэкі eLIBRARY”.
У праграме семінара былі прадстаўлены рускамоўныя навуковыя выданні на платформе eLIBRARY.ru, сэрвісы для чытачоў навуковай перыёдыкі, прынцыпы арганізацыі доступу да інфармацыі, а таксама прэзентацыя магчымасцей і сэрвісаў Расійскага індэкса навуковага цытавання.
У мерапрыемстве ўзялі ўдзел звыш 100 чалавек: маладыя вучоныя, выкладчыкі і студэнты вышэйшых навучальных устаноў, спецыялісты бібліятэк Беларусі і іншых арганізацый, зацікаўленых у павышэнні якасці інфармацыйнага абслугоўвання карыстальнікаў.