26 лютага віртуальная чытальная зала адкрыла серыю семінараў па выкарыстанні магчымасцей платформы Web of Science ў навукова-інфармацыйнай дзейнасці.
Першы семінар адбыўся ў Беларускай сельскагаспадарчай бібліятэцы імя І.С. Лупіновіча НАН Беларусі і быў прысвечаны інфармацыйнаму забеспячэнню навукі ў аграпрамысловым комплексе.
Мерапрыемства адкрыў дырэктар бібліятэкі Віталь Гердзій. Семінар сабраў больш за 50 удзельнікаў – супрацоўнікаў бібліятэк, Нацыянальнай акадэміі навук Беларусі, навукова-даследчых інстытутаў і навукова-практычных цэнтраў сельскагаспадарчай сферы.
Магчымасці работы з платформай Web of Science прадставіла спецыяліст па навучанні кампаніі Clarivate Analytics Ірына Ціханкова. Яна пазнаёміла слухачоў са зместам калекцый і фарміраваннем індэксаў на платформе Web of Science, алгарытмамі пошуку і аналізу навуковай інфармацыі, асаблівасцямі ўжывання навукаметрычных паказчыкаў пры планаванні і ацэнцы навуковых даследаванняў.
