22 студзеня на базе бібліятэкі Беларускага дзяржаўнага педагагічнага ўніверсітэта імя М. Танка (БДПУ) быў праведзены семінар-прэзентацыя “Электронныя інфармацыйныя рэсурсы віртуальнай чытальнай залы Нацыянальнай бібліятэкі Беларусі для бібліятэк ВНУ”.
З уступным словам да ўдзельнікаў семінара звярнулася дырэктар бібліятэкі Надзея Сяткоўская.
Спецыялісты аддзела камплектавання электронных інфармацыйных рэсурсаў Нацыянальнай бібліятэкі Беларусі Алена Снігірова, Аксана Рудкоўская, Павел Калянцееў пазнаёмілі ўдзельнікаў семінара з рэсурсамі баз даных EBSCO, Grebennikon, EastView, IQlib, Gale: Biograhy in Context, “Интегрум” і іншых, прапанаваных да падпіскі пасродкам віртуальнай чытальнай залы ў 2014 годзе.
Былі паказаныя таксама рэсурсы адкрытага доступу, якія з’яўляюцца цікавымі для навуковых супрацоўнікаў і студэнтаў, базы даных, створаныя Нацыянальнай бібліятэкай Беларусі і іншымі бібліятэкамі нашай краіны.
У мерапрыемстве прынялі ўдзел каля 25 чалавек.
