17 студзеня на базе бібліятэкі Інстытута прадпрымальніцкай дзейнасці (ІПД) быў праведзены семінар-прэзентацыя “Электронныя інфармацыйныя рэсурсы віртуальнай чытальнай залы Нацыянальнай бібліятэкі Беларусі для бібліятэк ВНУ”.
З уступным словам да ўдзельнікаў семінара звярнулася супрацоўнік бібліятэкі ІПД Таццяна Ладуцька.
У рамках семінара спецыялісты аддзела камплектавання электронных інфармацыйных рэсурсаў Нацыянальнай бібліятэкі Беларусі Алена Снігірова, Аксана Рудкоўская, Павел Калянцееў пазнаёмілі ўдзельнікаў семінара з рэсурсамі баз даных EBSCO, Grebennikon, EastView, IQlib, Gale: Biograhy in Context, “Інтэгрум” і іншымі, прапанаванымі да падпіскі пасродкам віртуальнай чытальнай залы ў 2014 годзе. Былі паказаны таксама рэсурсы адкрытага доступу, якія з’яўляюцца цікавымі для навуковых супрацоўнікаў і студэнтаў, базы даных, створаныя Нацыянальнай бібліятэкай Беларусі і іншымі бібліятэкамі нашай краіны.
У мерапрыемстве прынялі ўдзел каля 30 чалавек – прафесарска-выкладчыцкі састаў і супрацоўнікі бібліятэкі.