30 студзеня на базе Інстытута падрыхтоўкі навуковых кадраў Нацыянальнай акадэміі навук Беларусі быў праведзены семінар-прэзентацыя “Віртуальная чытальная зала Нацыянальнай бібліятэкі Беларусі ў сістэме абслугоўвання аддаленых карыстальнікаў”
З уступным словам да ўдзельнікаў семінара звярнулася загадчыца кафедры Ірына Багданава.
Спецыялісты аддзела камплектавання электронных інфармацыйных рэсурсаў Нацыянальнай бібліятэкі Беларусі Алена Снігірова, Аксана Рудкоўская, Павел Калянцееў пазнаёмілі ўдзельнікаў семінара з рэсурсамі баз даных EBSCO, Grebennikon, EastView, IQlib, Gale: Biograhy in Context, “Інтэгрум” і іншых, прапанаваных да падпіскі пасродкам віртуальнай чытальнай залы ў 2014 годзе.
Былі паказаны таксама рэсурсы адкрытага доступу, якія з’яўляюцца цікавымі для навуковых супрацоўнікаў і студэнтаў, базы даных, створаныя Нацыянальнай бібліятэкай Беларусі і іншымі бібліятэкамі нашай краіны.
У мерапрыемстве прынялі ўдзел супрацоўнікі бібліятэкі і выкладчыкі інстытута.
